ކަނޑުގައި އުޅޭ މަސްމަހާމެހީގެ ތެރޭގައި އޭގެ ދުވެލި ބާރު މަސްމަހާއި ދުވެލި މަޑު މަސް ހިމެނޭ. އެގޮތުން ދިވެހި ކަނޑުތަކުން އެންމެ ގިނައިން ފެންނަ އަދި ދިވެހިން އެންމެ ގިނައިން ބާނާ މަސްމަހާމެހީގެ ތެރޭގައި ހިމެނޭ އެއް ބާވަތަކީ ލައްޓި ރާގޮނޑީގެ މަސް. ދިވެހިންނާއި ލައްޓި ރާގޮނޑިއާއި ވަނީ ގުޅި ލާމެވިފައި. އެހެން ނަމަވެސް ލައްޓި ރާގޮނޑީގެ ދުވެލި ދެނަހުރީ ތިޔައިގެ ތެރެއިން ކިތައް މީހުން ތޯ؟ ކިތައް މަސްވެރިން ތޯ؟ ލައްޓި ރާގޮނޑި އަކީ ކަނޑުގައި އުޅޭ މަސްމަހާމެހީގެ ތެރެއިން އޭގެ ދުވެލި ބާރު މަސްތަކުގެ ލިސްޓުގައި ގުނާ މަސްތަކެއް. މި މަސްތަކުގެ ދުވެލި ބާރުވަނީ މި މަސްތަކުގެ ހަށިގަނޑު ބައްޓަން ވެފައިވާ ގޮތާއި، ކޮތަރި އަދި ކަންފަތް އިންނަ ގޮތުން. ހަމަ އެއާއި އެކު ނަގޫފަތުގެ ހަރުދަނާކަންވެސް ހިމެނޭ. ލައްޓި ރާގޮނޑީގެ އެވަރެޖު ދުވެއްޔަކީ ގަޑިއަކު 44 މޭލާއި 66 މޭލާއި ދެމެދުގެ ބާރުމިނެއް. އެހެން ކަމުން މިއީ މިފަދަ މަސްމަހާމެއްސާ ބަލާއިރު ބާރު ދުވެއްޔެއް. މަސްވެރިކަމުގައި ލައްޓި ރާގޮނޑި އައިން އައިން އަތު ނުވެގެން މަސްވެރިން އުންމީދުކަނޑާލާ ކިތަންމެ ހާލަތެއް އާދޭ. މިއީ، ލައްޓި ރާގޮނޑިއަށް އަންނަ ހަމަލާތަކުން ނުވަތަ ބޮޑެތި މަސްތަކުގެ ޝިކާރައިން ސަލާމަތް ވުމަށް އެއަށް ލިބިފައިވާ ހާއްސަ ހުނަރެއް.