ކޮންމެ ވޭވާއެއް ނުވަތަ ތަރުކާރީއެއްވިޔަސް އޭގެ ވަށައިގެން ތޮށި ފަށެއް ލެވިފައި ވޭ. އެގޮތުން ލުނބޮލުގައިވެސް އޭގެ ވަށައިގެން ތޮށިފަށެއް ވޭ. އާންމުކޮށް ދިވެހިންނަކީ ލުނބޯ ތޮށި މަށާ ބައެއް. ލުނބޯ ތޮށީގައި ވަރަށްގިނަ ސިއްހީ ފައިދާތައް އެކުލެވޭ. އޭގެ ތެރޭގައި ގިނަ އަދަދަކަށް ފައިބަރާއި ވިޓަމިން ސީ އެކުލެވޭ. ޕޮޓޭސިއަމް، މެގްނީސިއަމް އަދި ކެލްސިއަމް އިތުރުކޮށްދިނުމަށްވެސް ލުނބޯ ތޮށި އެހީވެދޭ. ހަމައެއާއި އެކު ލުނބޯ ތޮށީގައި ގިނަ އަދަދަކަށް އެންޓިބެކްޓީރިއަލްގެ މާއްދާތައް ހުރޭ. މިއީ ޖަރާސީމުތަކާއި ދެކޮޅަށް މަސައްކަތްކުރާ މާއްދާތަކެއް. އެހެން ކަމުން ލުނބޯ ތޮށި ކާނަމަ، އަނގައިގައި ހުންނަ އެކި އެކި ޖަރާސީމު ތަކުން އަނގަތެރެ ސާފުކޮށްދޭ. އަނގައިގެ އިންފެކްޝަން އުފައްދާ އެންމެ އާންމު ޖަރާސީމަކީ ސްޓްރެޕްޓޯކޯކަސް މުޓަންސް ނަމަކަށް ކިޔާ ޖަރާސީމެއް. ލުނބޮއެ ތޮށްޓަކީ މި ޖަރާސީމު މަރާލުމުގެ ކުޅަދާނަކަށް ލިބިފައިވާ އެއްޗެއް. މީގެ އިތުރުން ލުނބޯ ތޮށީގައި އެންޓި އޮކްސިޑަންޓްސް ނަމަކަށް ކިޔާ މާއްދާއެއް ވަރަށް ގިނައިން ހުރޭ. މިއީ ހިތުގެ ބަލިތަކާއި ލޭހޮޅިތަކުގެ ބަލިތަކުން އިންސާނާ ދުރުކޮށްދިނުމަށް އެހީތެރިވެދޭ މާއްދާއެއް. އަދި ހަށިގަނޑުގެ ދިފާއީ ނިޒާމު ހަރުދަނާކޮށްދިނުމަށްވެސް މި މާއްދާ އެހީތެރިވެދޭ. ހަމަ އެއާއި އެކު މިއީ ކެންސަރުގެ ބައެއްމާއްދާ ތަކާއި ދެކޮޅަށް މަސައްކަތް ކުރުމުގެ ގާބިލުކަންވެސް ލިބިފައިވާ މާއްދާއެއް. މިއާއިއެކު ލުނބޯ ތޮށީގައި ހުންނަ ހިތިރަހަދޭ މާއްދާ ނުވަތަ ހުތްރަހަ ދޭ މާއްދާގެ ސަބަބުން ފިތުގައި ހުންނަ ހިލަ ފަސޭހަ ކޮށްދިނުމަށް އެހީތެރިވެދޭ ކަމަށް ބައެއް ސިއްހީމާހިރުން ދެކިލައްވާ. އެހެންކަމުން ލުނބޯ ތޮށި ނުމަށާ، ތޮއްޓާއި އެކު ކެވޭ ނަމަ ކެއުން ވަރަށް މުހިންމު.