ވާލަކީ އޭގެ އާއިލާ ވަރަށް ބޮޑު ޖަނަވާރެއް. އެ އާއިލާގައި 10،000 އަށްވުރެ ގިނަ ނަސްލު ނުވަތަ ވައްތަރު ހިމެނޭ. މީގެ ތެރެއިން ދިވެހި ރާއްޖެއިން މި ފެންނަނީ ވާލުގެ އެންމެ ބޮޑެތި ވައްތަރު. މިއީ މިނިކާ ނުވަތަ މަސް ކައި އުޅޭ ވައްތަރުގެ ވާލެއް ނޫން. މިއީ މާމަލުގެ ފޮނި ބޮއެ، މޭވާ ކައި އުޅޭ ވައްތަރުގެ ވާލެއް. ރޭގަނޑުގެ ހަމަ ހިމޭން ކަމުގައި ގަސްގަހާގެހީގައި ހުންނަ މާތަކުގެ ޕޮލުނޭޝަން ހިނގުމުގައި މި ވާތައް ވަރަށް ބޮޑު ދައުރެއް އަދާ ކުރޭ.

ވާލުގެ ހަޔާތުގެ ދެބައިކޮށްފަ އެއްބައި ހޭދަކުރަނީ އެކޮޅުކޮޅުން އޮވެ. އޭގެ މާނަ އަކީ ބޯކޮޅު ވަތައް އެލިގެންނޭ. މި ޖަނަވާރު ނިދާފަައި އޮންނަނީވެސް އެކޮޅުކޮޅުން އެލިގެން އޮވެ. މިކަމުގައި ވަރަށް އަޖައިބު ކުރަނިވި ނިޒާމެއް ވާލުގައި ލައްވާފައި ވޭ. ވާލުގެ ފައިގައި ވަރަށް ހާއްސަ ޓެންޑަންޓެއް ހުރޭ. މިއީ މަސްގަނޑާއި ކަށިގަނޑު ގުޅުވައިދޭ ވާފަށެއް ޒާތު ބައެއް. ގަހެއްގެ އޮފިގަނޑެއްގައި ވާލެއް އެލިގަތުމުން އެ ޓެންޑަންޓަށް ވާން ވޭ. އެއާއި އެކު އެސޮރުގެ ފައިގެ ވަކިތައް ލެއްޕޭ ގޮތްވޭ. ނަތީޖާ އަކީ އެލިގެން އޮންނަން އެއްވެސް ބާރެއް އެސޮރު ލާކަށް ނުޖެހުން. އެއްވެސް ހަކަތައެއް ހޭދަ ކުރާކަށް ނުޖެހޭ. އިންސާނާ އެނދެއްގައި އޮތުމެކޭ ވާލެއް އެކޮޅުކޮޅުން ގަހެއްގައި އެލިގެން އޮތުމެކޭ ޠަބައީގޮތުން ތަފާތެއް ނެތް. މިއީ މި ޖަނަވާރުގެ ކިބައިގައި މާތް ﷲ ލައްވާފައިވާ ވަރަށް އަޖައިބު ކުރުވަނިވި ނިޒާމެއް!