މަދިރީގެ އުނދަގުލަކީ ވަރަށް ބޮޑު އުނދަގުލެއް. ހަފަން ފަށައިފިނަމަ މުޅި މީހާ ކައިފަ ނޫނީ ހުއްޓައެއް ނުލައޭ މީހުން ބުނާތީ އަޑުއިވޭ. މަދިރިއަކީ އެކި ކަހަލަ ބަލިތައް ފެތުރުމުގައިވެސް ކުޅަދާނަ ސުއިއްޕެއް. މަދިރި މަރަން ފޮގު ޖަހާ ދުން އެރުވިޔަސް މަދިރި މަދު ނުވާ ކަމުގެ ޝަކުވާ އަކީ އަބަދުމެ އިވޭ ޝަކުވާއެއް. މަދިރީގެ އުނދަގޫ މިހާ ބޮޑުވެ މަދިރި އެހާ ގިނައިން އާލާވެ އެހާ ގިނަ އަދަދަކަށް ފެންނަނީ ކީއްވެ؟ ކޮންމެ ދިރޭ އެއްޗެއްގެވެސް ނަސްލު ދެމިގެން ދިއުމުގައި އޭގެ ދަރިން އުފެދިގެން އަންނަނީ ފިރިހެން އެއްޗެއްގެ ފަރާތުން އަންހެން އެއްޗެއްގެ ހަށިގަނޑުގައި. އެގޮތުން އަންހެން މަދިރި އަކީ ވިހާ އެއްޗެއް ނޫން. މިއީ ބިސްއަޅާ ސުއިއްޕެއް. އާންމުކޮށް ފެންގަނޑުތަކަށް މަދިރި ބިސްއަޅާ ބިސް އެޅުމަށް ފަހު މައި މަދިރި މަރުވޭ. މިގޮތަށް އަޅާ ބިސްތަކުން މަދިރި ނުކުންނަނީ ފަންޏެއްގެ ގޮތުގައި އަދި އެގޮތުގައި ފެނުގައި 10 ދުވަސް ހޭދަކުރޭ. އަންހެން މަދިރިއެއް އެއްފަހަރާ ކިތައް ބިސް އަޅާކަން ދެނަހުރީމުތަ؟ އަންހެން މަދިރިއެއް އެވުރެޖުކޮށް 200 އާއި 300 ދެމެދު އަދަދަކަށް ބިސްއަޅާ. ދިރާސާވެރިން ދެކިލައްވާ ގޮތުގައި މީގެ 80 އިންސައްތަ އަކީ މަދިރިއަށްވެ މާހައުލުގެ ތެރެއަށް ނުކުންނާނޭ އެއްޗެހި. މަދިރި މަދުނުވެ، އޭގެ އުނދަގޫ އަބަދުމެ ފޯރާ އެއް ސަބަބީ މިއީ.