ދުނިޔޭގެ މި ބޮޑު އާބާދީގައި އެކި ނަސްލުތަކާއި ދަރިކޮޅުތައް ވޭ. އެފަދަ ކޮންމެ ދަރިކޮޅަކަށް ހާއްސަ އަވަށް ތަކަކާއި ރަށްތަކެއް ވޭ. އެގޮތުން ފަރުބަދަ މަތީގައި ދިރިއުޅޭ ދަރިކޮޅުތަކެއްވޭ. ދުނިޔޭގެ އާބާދީގެ 12 އިންސައްތަ މީހުން ދިރިއުޅެނީ ފަރުބަދަ ތަކުގެ މަތީގައި. ފަރުބަދަ ތަކުގެ މަތީގައި އުޅޭ މީހުންނަށް ވެސް ކާނޭ ތަކެއްޗާ ބޯނޭ ފެން އެފަރުބަދަތަކުން ލިބޭ. އަދި އަލިފާން އަންދާނޭ ދަރުވެސް އެމީހުންނަށް އެ ފަރުބަދަތަކުގެ ތެރެއިން ލިބޭ. މި ތަނުގައި އުޅޭ މީހުންނަށް ލިބޭ އަނެއް ބޮޑު ނިއުމަތަކީ ސާފު ހާލިސް ވައިގެ ނިއުމަތް. އަދި ތަނުގެ ޤުދުރަތީ ރީތި ހިތްގައިމު މާހައުލަކީވެސް އެމީހުން ބަލާ ފޫހިނުވާނޭހާ ފުރިހަމަ ކަމެއް. ބައެއް ދިރާސާތައް ބުނާ ގޮތުގައި ފަރުބަދަ ތަކުގެ މަތީގައި އުޅޭ މީހުންގެ އުމުރު ދިގު. މިކަމުގެ ސީދާ ސަބަބެއް ބަޔާން ނުކުރި ނަމަވެސް އެއީ ތަނުގެ ވައި ސާފުވުމުގެ ނަތީޖާއެއް ކަމަށް ގިނަބަޔަކު ގަބޫލުކުރޭ. ތަހުޒީބު މި ޒަމާނުގައި ކަރަންޓާ އަދި އެނޫންވެސް ޓެކްނޮލޮޖީގެ ވަސީލަތްތައް މިބައިމީހުން ބޭނުންކުރޭ. ނަމަވެސް މިބައިމީހުންގެ ގެދޮރު އިމާރާތް ކުރުމުގައި ގެންގުޅޭ މޮޅު ހުނަރަކީ އެބައިމީހުންގެ ކާބަފައިންގެ ޒަމާނުއްސުރެ ދަސްކޮށްފައިވާ ހުނަރެއް. ބޮޑެތި އުސް އިމާރާތްތަކާއި ޝާހީ ގަނޑުވަރުތަކެއް މި މީހުންގެ އުމްރާނީ ތަސްވީރުގައި ފެންނާކަށް ނުހުރޭ.