މެއްސަކީ ދިވެހިންގެ ދިރިއުޅުމުގައި ވަރަށް އުނދަގޫބޮޑު ސުއިއްޕެއް. އަދި ބައެއް މޫސުން ތަކުގާ އެހާމެ ގިނަ ވެސް ވާ ސުއިއްޕެއް. މެއްސަކީ އޭގެ ސަބަބުން ވަރަށް ގިނަ ތަފާތު ބަލިތައް ވެސް ފެތުރޭ ސުއިއްޕެއް. ކުނިގޮނޑުތަކުގައި އެނބުރި އެނބުރިފައި އައިސް ގޭގައި ކާންވެގެން މޮޑެފައި ހުންނަ ބަތްތަށީގައި ވެސް ޖައްސާ. މިފަދައިން މެހި އެކައްޗެއްގާ ޖައްސާ އަނެކައްޗެއްގައި ޖައްސާ މި ހަދަނީ ކީއްކުރަންބާ؟ މެހި ކަނީ ކޯއްޗެއްބާ؟ މެއްސަކީ އެ ސޮރުގެ ހަށިގަނޑު އުފެދިފައި ހުންނަ ގޮތުން ދުވަހަކުވެސް ކާން ޖެހޭ ސުއިއްޕެއް ނޫން. މިހެން ދެންނެވުމުން އެސޮރު ނުކައި ދުނިޔޭގައި އެ ހުންނަނީ ކީއްވެބާއޭ ސުވާލު އުފެދޭނެ. އެއްޗެއް ކައި ނޫޅުނު ނަމަވެސް މެއްސަކީ ހުސް ބޮއެގެން އުޅޭ ސުއިއްޕެއް. މެހީގެ އަނަގައިގައި ކާ އެއްޗެހި ހަފާނެ ދަތެއް ނުހުރޭ. ނަމަވެސް ދަތްތަކެއް ޒާތު ބައިތަކެއް ހުރޭ. މިއަށް "ޕްރޮބޮސިސް" އޭ ކިޔާ. މެހި ގޮސް ރޮށްޓެއްގައި އިނަސް އާފަލެއްގައި އިނަސް އެ ރޮށްޓެއް ނުވަތަ އާފަލެއް ނުކާނެ. ނަމަވެސް ބޯނެ. ހަރު އެއްޗެއް ބޮއުމުގެ ގާބިލުކަން މި ސޮރަށް ލިބެނީ ކިހިނެތްތޯ؟ މެހީގެ ހަޖަމުގެ ނިޒާމުން އުފައްދާ ޖޫހެއް ނުވަތަ ދިޔަވަރެއް އެސޮރު ބޯން ބޭނުންވާ ކާ އެއްޗަކަށް އެސޮރުގެ އަނގައިން އެ ދިޔަވަރު ލާނެ ނުވަތަ ހާކާނެ. އޭގަފަހުން އެ ދިޔަވަރުގެ ސަބަބުން އެ ކާ އެއްޗެއްގައި އެ ދިޔަވަރު ޖެހިފައި ހުރި ހިސާބަކަށް އެ ކާއެއްޗަކުން ފައިދާތަކާއި ކާނާ ނަގައިގަނޭ. ދެން މި ސޮރު އެ ދިޔަވަރު އަނެއްކާ ބޯލާނެ. މިއީ މެހި، އެސޮރުގެ ކާނާ ހޯދާ ގޮތް. މިއީ މެހީގެ ސަބަބުން ގިނަ ބަލިތަށް ފެތުރޭ މައިގަނޑު އެއް ސަބަބު. އަދިވެސް ކިތަންމެ ސަބަބަކާއި ހުރެ މެހީގެ ސަބަބުން ބަލި ފެތުރޭ.