ކޮޓަރި އާއި ގޭތެރެ ފިނިކޮށް ބެހެއްޓުމަށްޓަކައި، އޭ.ސީ އަކީ މިހާރު ކޮންމެ ގެއެއްގައިވެސް ބޭނުންކުރާ އެއްޗެއް. ދިވެހި ރާއްޖޭގައިވެސް އޭ.ސީ އެއް ބޭނުން ނުކުރާ ގެއެއް މަދުވާނޭ ބުނުން ދޮގަކަށް ނުވާނެ. ފިނިކުރުމަށް އޭ.ސީ ބޭނުން ކުރަމުން އައި ނަމަވެސް، އޭ.ސީ އެންމެ ފުރަތަމަ އުފެއްދީ ފިނިކުރުމުގެ މަގުސަދުގައެއް ނޫން. އެންމެ ފުރަތަމަ އޭ.ސީ އެއް އުފައްދާފައިވަނީ 1920 ވަނަ އަހަރުގެ ތެރޭގައި ވިލްސް ކެރިއަރ ނަމަކަށް ކިޔާ އިނގިރޭސި ވިލާތުގެ މީހެއް. އޭނާ އޭ.ސީ އުފައްދާ ބޭނުން ކޮށްފައިވަނީ ނިއުޔޯކް ސިޓީގައި ހުންނަ ފޮތް ލިޔާ ކުތުބުހާނާއެއްގައި. އޭނާ އެ އޭ.ސީ އޭރު ބޭނުން ކުރީ ހޫނުވާތީ ފިނިކުރުމުގެ ބޭނުމަކު ނޫން. ނަމަވެސް އެ ތަނުގައި އެމީހުން ލިޔާ ލިޔުންތަކުގެ ދެހި އަވަހަށް ހިއްކުމުގެ ބޭނުމުގައި. ގަނޑުތަކުގައި ލިޔެ، ދެލި ނުހިކުމުގެ ސަބަބުން އަނެއް ސަފްހާނުލިޔެވި ގިނަ ވަގުތުތަކެއް ހޭދަކުރާން ޖެހުމުން، އެކަމަށް ހައްލެއް ހޯދާ، އަވަހަށް ދެލި ހިކޭނޭ މަގެއް ހޯދުމުގެ ނިޔަތުގައި އެންމެ ފުރަތަމަ އޭ.ސީ އުފެއްދީ. އަދި އެގޮތަށް އެ އޭ.ސީ ވަނީ ބޭނުން ކޮށްފައި. އޭގެފަހުން އެ ޓެކްނޮލޮޖީ ތަރައްގީވެ ކުރިއަރަމުން ގޮސް، މިހާރު އޭ.ސީ އަކީ އިންސާނުން ދިރިއުޅޭ ތަނެއް ފިނިކުރުމަށް ބޭނުން ކުރާ އެއްޗެއް.