ރޮނޑަކީ ދިވެހި ރާއްޖޭގެ ފަރުތަކުގައި ވަރަށް އާންމުކޮށް އުޅޭ ބާވަތެއްގެ މަހެއް. ރޮނޑުގެ އެތައް ހާސް އާއިލާއެއް ނުވަތަ ވައްތަރުތަކެއް ހުރޭ. އޭގެ ތެރެއިން މާރޮނޑަކީ އެންމެ ބޮޑުވާ ވައްތަރުގެ ރޮނޑު. މިއީ އިންސާނުންނަށްވެސް އޭގެ ނުރައްކާ ބައެއްފަހަރަށް ބޮޑު މަހެއް. މާރޮނޑަކީ ބޮޑެތި ފަރުތަކާ ތޮށިތަކުގައި ދިރިއުޅޭ ނަން މަޝްހޫރު ފަރުމަހެއް. މިއީ ބަލާބެލުމަށް ރީތި ކުރެހުމެއް އެސޮރުގެ ހަންގަނޑުގައި ހުންނަ މަހެއް. މާރޮނޑުގެ ހަންގަނޑަކީ ވަރަށް ބޯ ހަންގަނޑެއް. މާރޮނޑު ބިސް އަޅަނީ ފަރުތަކާއި ތޮށިތަކުގައި ހުންނަ ގާ ނުހުންނަ ފަސްގަނޑަށް. މާރޮނޑު ބިސްއަޅާ ދުވަސްވަރު އެ ބިސްތަކުގެ ހިމާޔަތުގައި އަންހެންރޮނޑު އަބަދުވެސް ވަގުތު ހޭދަކުރޭ. އެ ދުވަސްވަރު އަންހެން މާރޮނޑުގެ ހަށިގަނޑުގައި މާއްދާއެއް ގިނަވުމުގެ ނަތީޖާއަކަށް ވަނީ އެދުވަސްވަރު އަންހެންމާރޮނޑުގެ "މޮޔަވުން". މާނައަކީ އެސޮރުގެ ހަރަކާތްތައް އަވަސްވުމާއި، އެހެން މަސްމަހާ މެއްސަށާއި އެހެން ހުންނަ ނުރައްކާތަކަށް އަވަސް ކަމާއި އެކު ހަމަލާދޭނެ. އެފަދަ ދުވަސްވަރެއްގައި އިންސާނަކު އޮޅިގެން ނަމަވެސް އެ ސަރަހައްދަކުން ފެތޭނަމަ، ނުވަތަ މޫދަށަ އެރި އުޅެވޭނަމަ، އެސޮރުގެ ހަމަލާއެއް ލިބޭނެ. މާރޮނޑު ހަމަލާ ދެނީ އެސޮރުގެ ދެ ދަތް ބޭނުން ކޮށްގެން. އެސޮރުގެ އަނގައިގައި ބޮޑު ދެ ދަތް ހުރޭ. މި ދެ ދަތުގައި ވިހައިގެ އަސަރެއް އެކުލެވިފައިވޭ. އެއީ "ސިގުއާޓޮކްސިން" ނަމަކަށް ކިޔާ ވިހައެއް. މި ވިހައިގެ އަސަރު އެހެން މަސްމަހާމެއްސަށް ކުރާލެއް ކުޑަވާނެ. ނަމަވެސް އިންސާނުންނަށް މި ވިހައިގެ އަސަރު ކުރާލެއް ބޮޑު. މާރޮނޑުގެ ދަތުން އިންސާނަކަށް ލިބޭ އަނިޔާއެއްގައި އެ ފާރުގަނޑު ދުޅަވެ ނުބައިވުމުގެ ފުރުސަތު އޮވޭ. އަދި ދިލަނެގުމަކީވެސް އެކަށީގެންވާ ކަމެއް. މިފަދަ ވިހައެއްގެ އަސަރު އިންސާނެއްގެ ހަށިގަނޑަށް ކޮށްފިނަމަ ނުވަތަ ރޮނޑެއް ދަތް އަޅައިފިނަމަ، އެދެވޭ އެންމެ ރަނގަޅު ގޮތަކީ ގިނައިން ފެން ބުއިމާއި އެކު އަވަސް އަވަހަށް ކުޑަކަމުދިއުން. އޭގެ ނަތީކާއަކަށް ވާނީ ލޭގެ ތެރެއަށް އެ ވިހަތައް ނަގައިގަތުމާއި އެކި އަވަހަށް ހަށިގަނޑުން ބޭރުކޮށްލުމަށް ފަސޭހަވުން. ކަންމިހެން ހުރުމާއި އެކު މޫދަށް އެރި، ފީނާ ފަރާތްތަކުން މިކަމަށް ކޮންމެވެސް ކަހަލަ ފަރުވާލެއް ބެހެއްޓުން މުހިންމު.