ދިވެހިރާއްޖެއަކީ ދޫނި ހިޖުރަކުރާ މޫސުންތަކުގައި ބައެއް ދޫނި އަންނަ ގައުމެއް. އެގޮތުން މިފަހުން ރާއްޖެއައި ރީތި އެއް ދޫންޏަކީ ގުޑުގުޑާ ދޫނި. އެދޫނީގެ މަޝްހޫރުކަން ދިވެހިންގެ ތެރޭގައި ދިޔައީ ވަރަށް ބޮޑުވެގެން. ގުޑުގުޑާ ދޫނީގެ ނަން ނުކިޔާ އެކަކުވެސް މިދިޔަ ދުވަސްތަކުގައި ރާއްޖޭގައި ނުހުންނާނޭ ބުނެވިދާނެ. އެހެންނަމަވެސް އެދޫންޏާއި ބެހޭގޮތުން އެނގެނީ ކިހާ މައުލޫމާތެއްބާ؟ ގުޑުގުޑާ ދޫންޏަކީ ގައުމެއްގެ ގައުމީ ދޫނި. އެއީ ބަހާމަސްގެ ގައުމީ ދޫނި. ގުޑުގުޑާ ދޫނި ހިމާޔަތްކުރެވިފައިވަނީ ވަރަށްބޮޑު ސަބަބަކާ ހުރެ. ކޮންމެ އަންހެން ގުޑުގުޑާ ދޫންޏެއްވެސް އަހަރެއްގެ ތެރޭގައި އަޅަނީ އެންމެ ބިހެއް. ގުޑުގުޑާ ދޫނީގެ ހަ އާއިލާއެއް ދުނިޔޭގައި އުޅޭ. މިދޫންޏަކީ ރީތި ފިޔާތޮށިކުލައެއްގައި ހުންނަ ދޫންޏެއް. އެހެންނަމަވެސް މި ދޫނި އުފަންވުމަށްފަހު، އެ ފިޔާތޮށިކުލަ މުޅި ހަށިގަނޑަށް އެރުމަށްޓަކައި ތިން އަހަރު ހޭދަވޭ. މިދޫނީގެ ފައި ހުންނަނީ އައިންމަތީ ދޫނިތަކުގެ ފައި ހުންނަހެން، ފިންސެންހެން. ގުޑުގުޑާ ދޫންޏަކީ ވަރަށް އުމުރު ދިގު ދޫންޏެއް. އެގޮތުން މިހާތަނަށް ފާހަގަ ކުރެވިފައިވާ އެންމެ އުމުރުން ދޮށީ ގުޑުގުޑާ ދޫނީގެ އުމުރަކީ 83 އަހަރު. އެއީ އޮސްޓްރޭލިއާގެ އަޑެލައިޑޭ ޒުލުގައި އޮތް ގުޑުގުޑާ ދޫންޏެއް. މިދޫނި މަރުވެފައިވަނީ 2014 ވަނައަހަރު.