ގެރިއަކީ އިންސާނުންނަށް ވަރަށް ބޭނުންތެރި ޖަނަވާރެއް. މިހާރު މިޒަމާނުގައި ގެރިން އުފައްދާ ކިރުގެ ކޮންމެވެސް މިންވަރެއް ބޭނުން ނުކުރާ އިންސާނަކު މަދުވާނޭ ބުނުން ދޮގަކަށް ނުވާނެ. އެއީ ސީދާގޮތުންނާއި ނުސީދާގޮތުންނަމަވެސް ބޭނުން ކުރެވިފައިވާނެތީ. ކިރުގެ އެކި އެކި ބާވަތްތައް ދުނިޔޭގެ ބާޒާރުގައި ހުރޭ. އޭގެތެރެއިން ބައެއް ބާވަތްތަކަކީ ވަރަށް މަގުބޫލު ބާވަތްތަކެއް. ހިކި ކިރާއި ރޯ ކިރަކީ އެންމެ އާންމު ދެ ބާވަތޭ ބުނެވިދާނެ. ކިރުގެ އެކި ބާވަތްތައް އުފައްދާ ވިއްކަމުން ދާއިރު މައިގަނޑުގޮތެއްގައި ކިރުގެ ބާވަތްތައް އުފައްދަނީ ގެރިން. ނަމަވެސް ބައެއް ވައްތަރުގެ އުފެއްދުންތައް އުފެއްދުމަށް އެހެން ވައްތަރުތަކުގެ ނައަމްސޫފިންވެސް ކިރުފެލާ އުޅޭ. ގެރީގެ ކިރުފެލުމަކީ އިންސާނުންގެ އަތްތަކުން ކޮށް އުޅުނު ބުރަ މަސައްކަތެއް. ކިރުފެލާ މަޝިންތައް ތައާރަފުވުމުގެ ކުރިން ގެރީގެ ކިރުފެލަނީ އަތުން. އެގޮތަށް ކިރުފެލާނަމަ އެންމެމީހަކަށް ގަޑިއިރަކު ކިރު ފެލޭނީ ގާތްގަނޑަކަށް 5 ނުވަތަ 6 ގެރިން. ނަމަވެސް 1984 ވަނަ އަހަރު ކިރުފެލާ މެޝިންތައާރަފުވުމުން މިހާރު އެއްގަޑި އިރުތެރޭގައި އެކަކަށް 100 ގެރިން ކިރުފެލޭނެ. މި ސިނާއަތުގައި މަސައްކަތް ކުރާ ފަރާތްތަކުން ބުނާގޮތުގައި ކިރުފެލާ މެޝިންތަކަކީ އެ ސިނާއަތަށް ލިބުނު ވަރަށްބޮޑު ކުރިއެރުމެއް. އެ ސިނާއަތަށް އައި ބޮޑު އިންގިލާބެއް.