މޫދުގައި އުޅޭ ބައެއް މަސްމަހަކީ އޭގެ ނުރައްކާ އިންސާނުންނަށް ވަރަށް ބޮޑު މަސްމަސް. އެގޮތުން އެންމެ އާންމުކޮށް މޫދުން ފާހަގަ ކުރެވޭ ނުރައްކާތެރި މަހަކަށް ވެފައި އޮންނަނީ މިޔަރު. އެހެން ނަމަވެސް އެއާއި އެއްވަރަށް ފަރުތޮޅިއަކީވެސް އޭގެ ނުރައްކާ ބޮޑު މަހެއް.

ފަރުތޮޅިއަކީ އެހެން މަސްމަސް ޝިކާރަކޮށްގެން ކައި އުޅޭ މަހެއް. އެސޮރުގެ ޝިކާރައަކަށް ނުވާ މަހެއް ކަނޑުގައި މަދުވާނެ. ހަމައެއާއެކު ފަރުތޮޅިއަކީ އޭގެ ޝިކާރަވެރިން މަދު މަހެއް. މޫދުގައި އެހެން މަސްތައް ފަރުތޮޅި ދެކި ޖެހިލުންވަނީ އެސޮރުގެ ހަލުއިކަމުން. ފަރުތޮޅިއަކީ ސައިޒުގެ ގޮތުންވެސް ބޮޑުވާ މަހެއް. އެގޮތުން 5 ފޫޓާއި 7 ފޫޓުގެ ދިގުމިނަކަށް ފަރުތޮޅި ދިގުވޭ. މި މަހުގެ ހަލުއި ދުވެއްޔަކީ ކިހާވަރެއްބާ؟ ރޭގަނޑަށް އެކިއެކި ކަންކަމު ފީނާ މަސްވެރިންގެ ގައިގެ އެކި ހިސާބުތަކަށް ފަރުތޮޅީގެ ތުންގަނޑު ހެރިގެން ފަރުވާހޯދަން ޖެހޭ. އެސޮރުގެ ތުންގަނޑު ހެރެނީ އެސޮރު އަންނަލެއް ބާރުކަމުން. ކަނޑުގެ ދިރުންތައް ދިރާސާކުރާ ފަރާތްތަކުން ބުނާ ގޮތުގައި ފަރުތޮޅިއެއްގެ އެވްރެޖު ދުވެއްޔަލީ ގަޑިއަކު 36 މޭލު ބާރުމިން. އަދި މިއީ ކުއްލިއަކަށް އެސޮރުގެ އެންމެ ހަލުއި ދުވެލީގައި ދިއުމުގެ ގާބިލުކަން ލިބިފައިވާ މަހެއް. މިސަބަބައްޓަކައި ފަރުތޮޅިއަށް ހަމަލާދޭން އެހެން ބައެއް ބޮޑެތި މަސްތައް ފަސްޖެހޭ.