އިންސާނުންނަށް ދިމާވާ ދަތިތަކުގެ ތެރެއިން ހޫނު އެރުމަކީ ވަރަށް އާންމު ކަމެއް. އެކަމަށް ހައްލު ހޯދުމުގައި އިންސާނުން ވަނީ އެކި އުފެއްދުންތައް އުފައްދާފަ. އެގޮތުން އަތުފަންކާ އާއި ކަރަންޓު ފަންކާއާއި މިޒަމާނުގައި ތަފާތު ވައްތަރުގެ އެއަރ ކޮންޑިޝަންސް ވަނީ އުފައްދާފަ. އެގޮތުން އަދިވެސް އެންމެ އާންމު އެކައްޗަކީ ފަންކާ. އެހެނީ ފޯރާ މީހުންނާއި ނުފޯރާ މީހުންނަށްވެސް ފަންކާއެއް ގަނެ ބޭނުން ކޮށްލުމަކީ މާ ބޮޑު ހަރަދަކަށް ނުވުން. ފަންކާ ޖެހުމުން ފިނިވަނީ ކީއްވެ؟ ފަންކާއަކީ އޭގެ ޒާތުގައި ތަނެއް ފިނިކޮށްދޭ އެއްޗެއް ނޫން. ނަމަވެސް ފަންކާ ޖެހުނުން މީހާއަށް ފިނިކަން އިހުސާސް ކުރެވޭ. ގުދުރަތީ ގޮތުން ޖެހޭ ވަޔަކީ މީހާ ފިނިކޮށްދިނުމުގެ ގާބިލުކަން ލިބިފައިވާ ވައެއް. ނަމަވެސް ފަންކާ ވަޔަކުންވެސް އެކަމެއް ނުއެއް ކޮށްދޭ. ދެން އަނެއްކާވެސް އުފެދޭ ސުވާލަކީ ފަންކާ ޖެހީމާ ފިނިވަނީ ކީއްވެތޯއެވެ؟ އިންސާނާގެ ހަށިގަނޑުގައި މިވާ ހަންގަނޑުގެ ނިޒާމު ތަރުތީބުވެފައިވާގޮތުން ކޮންމެ އިސްތައްޓެއްގެ ބުޑުން ހަށިގަނޑުގައި ހުންނަ ހޫނު ބޭރުކުރަމުން ދާނެ. އެހެނީ އެއީ ހަށިގަނޑުގެ އެތެރޭގެ ހޫނުމިން، ބޭރުގެ ހޫނުމިނަށް ވުރެ އިތުރުވުމުން، އެއް ހަމައެއްގައި ހިފަހައްޓައި ދިނުމަށް ގުދުރަތީ ގޮތުން ތަރުތީބު ވެފައިވާ ނިޒާމެއް. މިގޮތަށް ހަށިގަނޑުން ބޭރުވާ ހޫނު، ހަށިގަނޑުން ބޭރުވުމަށްފަހު ވެސް ހަށިގަނޑުގެ ކައިރީގައި ހިފެހެއްޓިފައި ހުރޭ. ފަންކާ ޖެހުމުން މިވާ ގޮތަކީ މާހައުލުގައި ހުންނަ ވައިތައް އަނބުރާލާ ދައުރުކޮށްލާ. އެއާއި އެކު އިންސާނާގެ ހަށިގަނޑުގެ ކައިރީގައި މި ހުންނަ ހޫނު ވައިތައް ހަށިގަނޑާއި ދުރަށް ދަތުރުކުރުމުން ފިނިކަން އިހުސާސް ކުރެވޭ. މީގެ އިތުރަށް މާހައުލުގައި ހުންނަ ފިނިކަން އެކުލެވޭ ވައިވެސް ފަންކާގެ ވަޔާއެކު ދައުރުވަމުން އައިސް އިންސާނާގެ ހަށިގަނޑުގައި ބީހުމުން ފިނިކަން އިހުސާސް ކުރެވޭނެ. ފަންކާ ޖެހުމުން ފިނިވަނީ މިދެންނެވި ސަބަބު ތަކަށްޓަކައި. ފަންކާ އަކީ އޭގެ ޒާތަށް، ފިނިކޮށްދޭ އެއްޗެއް ނޫން!