އިންސާނާގެ ހަޑިގަނޑުގައި ފުދި އިތުރުވާ ފެނުގެ މިންވަރާއި އަދި އެނޫންވެސް ބައެއް ވިހަ މާއްދާތައް ހަށިގަނޑުން ބޭރުކޮށްދެނީ ކުޑަކަމުދާ ތަކެތީގެ ގޮތުގައި. މާތް ﷲ ތަރުތީބު ކުރައްވާފައިވާ ވަރަށް ފުރިހަމަ ނިޒާމެއްގެ ތެރެއިން ފުރޭނިގެން އުފެދޭ މި ކުޑަކަމުދާ ތަކެތި ޖަމާވެފައި ހުންނަނީ މަސާނާއޭ ކިޔާ "ރުނބައެއް" ޒާތު ގުނަވަނެއްގާ.

ކުޑަކަމުދާ ތަކެތި މަސާނާގައި ޖަމާވެފައި ހުންނަ އިރު، އޭގެ ޠަބީއަތުގައި ކުޑަކަމުދާ ތަކެއްޗަކީ "ނަޖިހެއް" ނޫން. ނުވަތަ އެއަކީ "ނުތާހިރު" އެއްޗެއްވެސް ނޫން. އެހެނީ މަސާނާގައި ވާ ކުޑަކަމުދާ ތަކެއްޗަކީ "ސްޓެރައިލް" އެއްޗެކެވެ. "ސްޓެރައިލް" އޭ ކިޔަނީ އޭގައި އެއްވެސް ބާވަތެއްގެ ޖަރާސީމެއް ނުވަތަ މައިކްރޯ އޯގަނިޒަމްއެއް ނޫޅޭތީ. އެހެންކަމުން ކުޑަކަމުދާ ތަކެތީގައި ޖަރާސީމު އަށަގަތުމޭ ކިޔަނީ، ކުޑަކަމުދާ ތަކެތި މަސާނާގަައި ހުންނަ އިރު، އެ ތަކެތީގައި ޖަރާސީމު އަށަގަތުމުން.

އޭގެ ޠަބީއަތުގައި ކުޑަކަމުދާ ތަކެތި މަސާނާގައި ޖަމާވެފައި ހުންނަ އިރު އެއީ ސްޓެރައިލް އެއްޗެއް. ނަމަވެސް ކުޑަކަމުދާ ހޮޅީގެ ތެރެއިން ކުޑަކަމުދާ ތަކެތި ދަތުރުކުރާ އިރުގައްޔާއި އަދި ކުޑަކަމުދާ ތަކެތި ބޭރުވުމާއި އެކު، ވަގުތުން ވަގުތަށް އޭގެ ސްޓެރައިލް ކަން ގެއްލޭ. ނުވަތަ އޭގެ "ތާހިރުކަން" ގެއްލި "ނަޖިހަކަށް" ވޭ.

މި ސަބަބާއި ހުރެ ކުޑަކަމުދާ ހޮޅި ލައްވާނަމަ އެ ހަރަކާތް ނުވަތަ އެ ޕްރޮސީޖަރ ކުރިއަށް ގެންދާނީ ސްޓެރައިލް ކޮށް. ނުވަތަ ސްޓެރައިލް ފީލްޑެއްގަ.