ބައެއް ތާރީޚުތަކަކީ ތަފާތު އެކި ގޮތްގޮަތުން ހާއްސަވާ ތާރީޚުތަކެއް. އެކި އެކި މުނާސަބުތަކާއި އަދި އެ ތާރީޚެއްގެ އަދަދުތަކުގެ ރީތިކަމާއި އެ އަދަދުތަކުގެ ތަރުތީބަކީވެސް، އެ ތާރީޚެއް ހާއްސަވާ ބައެއް ސަބަބުތައް. މިއީ މިފަދައިން، އަދަދުތަކުގެ ތަރުތީބުގައި "ރީތި" ކަމެއް ހުރުމުން ހާއްސަވާ ތާރީހެއް.

22 ފެބުރުއަރީ 2022، (22/02/2022) އަކީ މިފަދަ ހާއްސަ ތަފާތު ތާރީޚެއް. މި ތާރީޚު ހާއްސަވަނީ މި ތާރީޚުގެ އަދަދުތަކުގައި ހާއްސަ ދެ ސިފައެއް ވާތީ. އެއް ކަމަކީ މި ތާރީޚުގެ އަދަދުތަކަކީ ޕެލިންޑްރޯމް އަދަދުތަކެއް. މާނައަކީ ކަނާތުން ވާތަށް ކިޔަސް، އަދި ވާތުން ކަނާތަށް ކިޔަސް، އެއް ތަރުތީބަކުން އެއް އަދަދުތަކެއް ކިޔޭ ކިޔުން. (22022022) މިހެން އޮންނަ އިރު ކޮންމެ ކޮޅަކުންވެސް މި އަދަދު ގުނޭނީ އެއް ގޮތަކަށް.

މި ތާރީޚު ހާއްސަވާ އަނެއް ސަބަބަކީ މިތާރީޚު، އަދަދުން ލިޔާއިރު، ލިޔާގޮތަކުން ނުވަތަ ލިޔާ ފޮންޓެއްގެ ގޮތުން މި ތާރީޚަކީ އެންބިގުރާމް އަދެއް. މާނައަކީ އެކޮޅުކޮޅުން ބެލިޔަސް، މި އަދަދުތައް އެއްގޮތަކަށް ފެންނަ ފެނުން. "ޑިޖިޓަލް" ފޮންޓުން މި ތާރީޚު ލިޔާއިރު މި އަދަދުތަކުގައި އެންބިގުރާމްގެ އަސަރު ފެންނަން ހުންނާނެ.