ދުނިޔޭގައިވާ އަޖައިބު ކުރުވަނިވި ތަންތަނުގެ ތެރެއިން ފަރުބަދަ ތަކަކީ އޭގެ އުސްމިނާ ބޮޑުކަމުން އަޖައިބުކުރުވަނިވި ތަންތަން. އެގޮތުން ދުނިޔޭގައިވާ އެންމެ އުސް ފަރުބަދަ އަކީ ކޮބައިކަން ދެނަހުރީމުތަ؟

ގިނަބަޔަކަށް ހީވެފައި އޮންނަނީ ދުނިޔޭގައިވާ އެންމެ އުސް ފަރުބަދަ އަކީ ނޭޕާލްގައި ހުންނަ މައުންޓް އެވަރެސްޓް ކަމަށް. ނަމަވެސް މިއީ ކުށްހީއެއް. މައުންޓް އެވަރެސްޓަކީ އެންމެ އުސް ފަރުބަދައެއް ނޫން. އެހެންނަމެސް އެއީ ދުނިޔޭގެ ބިމުގައި، އެންމެ އުހަށް އުފުލިފައިވާ ފަރުބަދަ. މައުންޓް އެވަރެސްޓުގެ އުސްމިނަކީ 8849 މީޓަރު.

ދުނިޔޭގައިވާ އެންމެ އުސް ފަރުބަދަ އަކީ ހަވާއީގައި ހުންނަ "މައުނަ ކޭއާ" ނަމަކަށް ކިޔާ އަލިފާން ފަރުބަދައެއް. ކަނޑުގެ އެންމެ އަޑިން އުފެދިފައިވާ މި ފަރުބަދައިގެ އުސްމިނަކީ 10،200 މީޓަރު. މި ފަރުބަދައިގެ އުސްމިނުން، ފެނުގެ މަތީން ހިކިފައި ހުންނަނީ 4207 މީޓަރު.

އެހެންކަމުން ދުނިޔޭގެ އެންމެ އުހަށް އުފުލިފައިވާ ފަރުބަދަ އަކީ ނޭޕާލުގައި ހުންނަ މައުންޓު އެވަރެސްޓް. އެހެނަސް ދުނިޔޭގައިވާ އެންމެ އުސް ފަރުބަދަ އަކީ ހަވައީގައި ހުންނަ މައުނަ ކޭއާ.