ވަޔާއި ފެނާއި އަދި ބިމަކީ މި ދުނިޔޭގެ މައިގަނޑު ތާސީރުތައް. މީގެ ތެރެއިން ދުނިޔޭގެ ސަތަހައިގައި ބިމަށްވުރެ ބޮޑީ ފެނުގެ އިންސައްތަ. މުޅި ދުނިޔޭގެ ސަތަހައިން 71 އިންސައްތަ އަކީ ފެން. މި ފެން އެކި ސިފަ ސިފައިގަ އެކި އެކި ތަންތަނުގައި ހުންނާނެ. ދުނިޔޭގެ ނިސްބަތުން ފެނުގެ އިންސައްތަ 71 އިންސައްތައިގައި ހުރި އިރު، މި 71 އެއް އިންސައްތައިގެ ތެރެއިން މީރު ފެނުގެ އިންސައްތަ އަކީ ކޮބާކަން ދެނަހުރީމުތަ؟

ދުނިޔޭގައިވާ ފެނުގެ ނިސްބަތުން މީރު ފެނުގެ އިންސައްތަ އަކީ އެންމެ 3 އިންސައްތަ. މީރުފެނުގެ ކޯރުތަކާއި ފެންގަނޑުތަށް ހުންނަ އިރު، އުޑުގައިވެސް މީރުފެން ހުރޭ. އަދި ބިމުގެ އަޑީގައިވެސް މީރުފެން ހުރޭ. މީރު ފެނުގެ ޖުމުލަ ނިސްބަތުން 80 އިންސައްތަ ވަނީ އެންޓާޓިކާގަ. މި ފެނުގެ ތެރެއިން ގިނަ ބައެއް ވަނީ ގަނޑުފެނުގެ ގޮތުގަ.

މީރު ކޮންމެ ފެނަކީ އަދި އިންސާނުންނަށް ބޯން ރަނގަޅު ފެނެއް ނޫން. މީރު ފެނުގެ ތެރެއިން އިންސާނުން ބުއިމަ ކަމުދަނީ މީރު ފެނުގެ ނިސްބަތުން އެންމެ އިންސައްތައެއް. އަދި މި އެއް އިންސައްތައިގެ ތެރެއިން ގާތްގަނޑަކަށް 0.4 އިންސައްތަ ވަނީ ތަޣައްޔަރުވެ، ބުއިމަށް ބޭނުން ނުކުރެވޭ ވަރުވެފަ. މިއީ އިންސާނުންގެ އަމަލުތަކުގެ ސަބަބުން ނުކުންނަ ހިތި ނަތީޖާ. ދިރާސާވެރިން ދެކިލައްވާގޮތުގައި މި އިންސައްތަ އިތުރުވެ، ގުދުރަތީ މީރު ފެނުގެ ނިސްބަތް އެއްކޮށް ތަޣައްޔަރު ވުމަކީ މާ ދުރުގައި އޮތް ކަމެއް ނޫން. މިކަންމަކަށް ރާއްޖޭގެ ރަށްތަކުގެ މީރު ފެންފަށަލައަށް އަންނަ ތަޣައްޔަރުކަމުންވެސް ހެކިލިބޭ. މިކަންކަމަށް އަވަސް ފިޔަވަޅުތަކެއް އަޅަން ޖެހޭ. މީރު ފެނަކީ މިހާ ތަދު އެއްޗެއް ކަމުގައި ވީ ހިނދުވެސް، އިންސާނުން ބުއިމަށާއި ދިރިހުމުގެ އަސާސީ މަސްދަރެއް ކަމުގައި މީރު ފެން ލައްވާފައި ވުމުން މާތް ﷲ ގެ ކުޅަދުންވަންތަކަން ހާމަވޭ. 

ދިރާސާވެރިން ބުނާ ގޮތުގައި ދުނިޔެ އުފެދުނު އިރު، ދުނިޔޭގައި ހުރި ފެނުގެ ނިސްބަތް މިއަދުވެސް ހުންނާނެ. ނަމަވެސް މި ފެން އެކި ގޮތް ގޮތަށް ނުވަތަ އެކި ތާސީރުތަކަށް ބަދަލުވެ ދައުރުވޭ. ގަނޑުފެނަށާއި އާތްވަށާއި މިފަދަ އެކި ގޮތް ގޮތަށް.