މިއީ ވަރަށްވެސް ތަފާތު ވާހަކައެއް. ސައިންސާ ފަންނިއްޔާތު އިންތިހާއަށް ކުރިއަރަމުން އަންނަ މިޒަމާނުގައި ރޮބޮޓިކް އިންޖިނޭރިންގެ ދާއިރާވެސް މިދަނީ ދުވަހެއް ދުވަހަކަަށް ފުޅާވެ ފައްކާވަމުން. އިންސާނުންގެ ސިފައިގައި ތިބޭ ރޮބޮޓުތަކާއި އަދި ތަފާތު އެކި މަސައްކަތްތައް ކުރުވުމަށް ރޮބޮޓު އެއްޗެހި ހަދާ އުޅޭ. ވެއިޓަރުންގެ ގޮތުގައިވެސް ރޮބޮޓު އެއްޗެހި އަންނަނީ ބޭނުން ކުރަމުން.

މިއީވެސް އެފަދަ ރޮބޮޓެއްގެ ވާހަކައެއް. އެކަމަކު މިއީ ވަރަށް އާދަޔާ ހިލާފު ރޮބޮޓެއް. ބެއިޖިންގެ އިންޖިނޭރެއް ކަމަަށްވާ ކުއިން ޝި އުފައްދާފައިވާ މި ރޮބޮޓަކީ މީދަލެއްގެ ބައްޓަކަމަަށް އެ ސިފައަަށް، އެ ސައިޒަށް އުފައްދާފައިވާ ރޮބޮޓެއް. 

އޭނާ ބުނާގޮތުން މި ރޮބޮޓަކީ ކާރިސާތަކުގައި ސުންނާފަތިވެފާ ސަރަހައްދުތަކާއި އިމާރާތްތަކުގެ ތެރެއަށް ގެއްލިފައިވާ މީހުން ހޯދުމަށް ބޭނުން ކުރެވިދާނޭ ރޮބޮޓެއް. މީދަލެއްގެ ސިފަޔަށް ހަތަރު ފައިވެސް އަދި ނަގުލެއްވެސް މި ރޮބޮޓުގައި ވޭ. ވެއްޓިއްޖެނަމަ ތެދުވުމުގެ ގާބިލު ކަމާއި މެދު ހަށިން، ދެފަރާތަށް އެނބުރުމުގެ ގާބިލުކަންވެސް މި ރޮބޮޓަށް ލިބިގެންވޭ.