ދުވުމާއި ދުވުމުގެ މުބާރާތްތަކަކީ އަހަރެމެންގެ ތެރޭގާ އެހާ އާންމު ކުޅިވަރަކަށް ނުވިޔަސް ދުނިޔޭގެ އެކި ހިސާބުތަކުގައި މިއީ މަޝްހޫރު ކުޅިވަރެއް. މި ލިޔުމުގައި މި ބަލާލަނީ މިގޮތަށް ބޭއްވޭ މުބާރާތްތަކުގެ ތެރެއިން ފާހަގަ ކުރެވޭ ހާއްސަ ބައެއް މުބާރާތްތަކަށް.

ބާކްލީ މެރެތަންސް އަކީ ޓެނެސީގެ ފްރޯޒެން ހެޑް ސްޓޭޓް ޕާކުގައި ބާއްވާ ގާތްގަނޑަކަށް 100 މޭލު ދުވުމުގެ ރޭހެއް. މި ރޭސް ނިންމުމަށް ދުވުންތެރިންނަށް 60 ގަޑިއިރު ލިބެ އެވެ. ކޮންމެ އަހަރަކު ވެސް ވާދަކުރުމުގެ ހުއްދަ ލިބެނީ އެންމެ 40 ދުވުންތެރިން. ދުވުންތެރިން ޖަންގަލީގެ ތެރެއިން ގާތްގަނޑަކަށް 20 މޭލުގެ 5 ލެޕް ހަދާ. މަގުމަތީގައި ފޮރުވިފައިވާ ފޮތްތަކުގެ ޞަފްޙާތަކުމް އެމީހުން ދުވާ މިސްރާބު އެނގެން އޮވޭ. އެހެންްކަމުން މަގުގެއްލިގެންނެއް ނުދޭ.

"6633 އާކްޓިކް އަލްޓްރާ" އަކީ އިންސާނުން ކުރިއަށް ގެންދިޔަ އެންމެ ބުރަ، އެންމެ ފިނި އަދި އެންމެ ވައިގަދަ އެއްމެ ދިގު ފޫޓްރޭސް. މިއީވެސް ރޭހެއް. ދާދިފަހުން ނިމުނު 2017 ވަނަ އަހަރުގަ ވަނީ މި ރޭސް ބާއްވާފަ. މިއީ މި ރޭސް ބޭއްވުނު 9 ވަނަ ފަހަރު.

"ޑްރެގަންސް ބެކް" އަކީ ދުނިޔޭގައި ބާއްވާ އެންމެ ބުރަ، 5 ދުވަހުގެ މައުންޓް ރަން ރޭސް. މި ރޭހުގައި "ވޭލްސްގެ" އުތުރުން ދެކުނަށް “ފަރުބަދަމަތީ ހުނަރު” ބޭނުންކޮށްގެން ކުރިއަށް ގެންދާ ރޭހެއް. މިއީ 186 މޭލު ދިގު، އަދި 51،000 ފޫޓު މައްޗަށް އަރަން ޖެހޭ ރޭހެއް.

ސެލްފް ޓްރާންސެންޑެންސް ނަމަކަށް ކިޔާ މި ރޭހުގައި ބައިވެރިވާ ދުވުންތެރިންނަކީ، ވަރަށް ހިތްވަރާއި، ޖިސްމާނީ ކެތްތެރިކަމާއި، ސަމާލުކަންދިނުމާއި އަދި ވަރުބަލިކަމާއި، ފޫހިކަމާއި، އަދި ކުދިކުދި އަނިޔާތަކަށް ކެތްކުރުމުގެ ޤާބިލުކަން ލިބިފައިވާ ދުވުންތެރިންނަށް. ދުވުންތެރިން 52 ދުވަހުގެ ތެރޭގައި 3،100 މޭލަށް ދުވޭ، ނިއުޔޯކުގެ ކުއީންސްގެ އެއް ބްލޮކް ވަށައިގެން 5،649 ލެޕް ދުވެފައި، ކުޅިވަރު ކުޅޭ ސަރަހައްދާއި، ބޯޅަ ދަނޑުތަކާއި، ސުކޫލުތައްފަދަ ތަންތަން މި ރޭހުގައި ހުރަސްކުރަން ޖެހޭ.

ޖަންގަލް އަލްޓްރާ އަކީވެސް މިފަދަ ރޭހެއް. މި ރޭހުގައި ޕެރޫގެ ޖަންގަލީގެ ތެރެއިން 142.6 މޭލު ދުވަން ޖެހޭ. އަދި ބޯޖަންގަލި ތެރެއިންވެސް ދާންޖެހިދޭ. ޖަންގަލީގެ ބިންގަނޑުގައި ހުންނަ ވަޅުގަނަޑުގަނޑު ނުވަތަ އަޑިގަނޑުތަކުން 10،500 ފޫޓު އަޑިއަށްވެސް ދާންޖެހޭ. ދުވުންތެރިންނަށް ޖަންގަލި ތެރެއިން ތަފާތު ދިރުންތަކާއި ދިމާވާނެ. މި ރޭހުގައި ކޮންމެ ދުވުންތެރިއަކުވެސް 70 ކޯރު ހުރަސްކުރަންޖެހޭ.