ދަގަތްފާނާއި ދަގަތްފާނުގެ ބާރަކީ އޭގައި ވަރަށް އަޖައިބު ކުރަނިވި ކަންތައްތަކެއް އެކުލެވިގެންވާ އެއްޗެއް. ލޮލަށް ނުފެންނަ އެހެނަސް އޭގެ ބާރު އެހާމެ ގަދަ އެއްޗެއް. ދުނިޔޭގެ ދެ ކޮޅުގައި ވާ ދަގަތްފާނީ ބާރަކީވެސް އެފަދަ އެއްޗެއް. ބުނެވޭ ގޮތުގައި ދުނިޔެ، ހުއްޓުމެއް ނެތި ބުރުޖަހަމުން މި ދަނީ މި ދަގަތްފާނީ ބާރުން.

ގަދަތްފާނަކީ އޭގައި ދެ ބާރެއް އެކުލެވިގެންވާ އެއްޗެއް. އެއީ ކޮއްޕާ ބާރަކާއި ދަމާ ބާރެއް. މި ދެބާރު ދަގަތްފާނުގެ ދެކޮޅުގައި ދެގޮތަށް ހުރޭ. އެއީ ފައްސި ބާރަކާއި ނައްސި ބާރެއް. ދަގަތްފާނުން އުފެދޭ ދަގަތްފާނީ ބާރަކީ ހަގީގަތުގައި ދުނިޔޭގެ އުތުރާއި ދެކުނުގައި ހުންނަ "ދަގަތްފާނުފަރުބަދައިގެ" ސަބަބުން އުފެދޭ ލޮލަށް ނުފެންނަ ބާރެއް. މިބާރު ދެނެގަނެވޭނީ ދެ ދަގަތްފާނުން ނުވަތަ ދަގަތްފާނަކާއި ދަނގަޑަކުން.

ކޮންމެ، ކޮންމެ ދަގަނޑެއް ދަގަތްފާނީ ބާރަކަށް ކިޔަމަނެއްް ނުވޭ. ދަގަތްފާނީ ބާރާއި ބިމަށްދަމާ ބާރަކީ އަދި މުޅި އެހެން ދެބާރެއް. ލޮޔާއި ސިލަވަރާއި އެލުމެނިއަމާއި ޕްލެޓިނަމާއި މެގްނީސިއަމާއި ރަނާ ރިއްސާ ތިމަރަފަދަ ތަކެއްޗަކީ ދަގަނޑުގެ އާއިލާގެ ބާވަތްތަކެއް ނަމަވެސް މިއީ ދަގަތްފާނީ ބާރަށް ކިޔަމަންވާ މައުދަންތަކެއް ނޫން.

ދުނިޔެ އަކީ އޭގެ ޒާތުގައިވެސް ދަގަތްފާނު ބާރު އެކުލެވިގެންވާ ގުރަހައެއް. ދުނިޔޭގެ މެދު، ނުދިޔޭގެ ބިމުގެ އަަދިން ދުނިޔޭގެ މެދު އުފެދިފައިވަނީ ދަގަތްފާނީ ބާރަށް ކިޔަމަންވާ ދަގަނޑުގެ ބާވަތްތަކުން. ސަމުގާގައި އިންނަ ކަށި، ކިޔަމަންވަނީ މި ދަގަތްފާނީ ބާރުން.