އައިސް އޭޖް އާއި ކަށި ބުރޮޅި!

މަޝްހޫރު އައިސް އޭޖް ކާޓޫނުގައި، އޭގައި އުޅޭ މުގޮށި މީދަލެއް ޒާތު ކެރެކްޓާ، މާ ގަޔާވެގެން ބަދަނެއް ގެންގުޅޭ. ވައްކޮށް ދިގުކޮށް، އޭގެ ބުޑުދޮށުގައި ހަރުވެފައިވާ މާގަނޑެއް ހުންނަ މި ބަދަނަކީ ކޮން ބަދަނެއްކަން އެނގޭތަ؟

އިނގިރޭސި ބަހުން އެކޯން ނަމަކަށް ކިޔާ މި މަދަކީ އޯކް ގަހުގައި އަޅާ ބަދަނެއް. ދިވެހި ބަހުން މި ބަދަނަށް ކަށި ބުރޮޅި އޭ ކިޔާ. މިއީ ދިވެހި ބޭސް ވެރިކަމުގައިވެސް އިހުގައި ބޭނުން ކޮށް އުޅުނު ބަދަނެއް.

ކެވެނީގެ ގިނަ މާއްދާތަކެއް އެކުލެވޭ މި ބަދަނުގައި ކޮފީވެސް ގިރާ އުޅޭ. އަދި މި ބަދަނުން ފުށް ވެސް ހަދާ އުޅޭ. މިއީ ކެއުމަށްވެސް ބޭނުން ކުރެވިދާ ބަދަނެއް. ނަމަވެސް ރޮލާ ކަށި ބުރޮޅި ކާނަމަ، ހަޖަމު ވުމުގައި ދަތިތަކެއް ކުރިމަތިވޭ. އެހެނީ އޭގައި ހުންނަ "ޓެންނިންސް" ނަމަކަށް ކިޔާ މާއްދާއެއްގެ ސަބަބުން. އާންމުކޮށް ކެއުމުގައި ބޭނުން ކުރެވެނީ ފިހެގެން، (ރޯފިލުވައިގެން).

ކަށި ބުރޮޅިއެއްގެ އެވްރެޖް ސައިޒަކީ ގާތްގަނޑަކަށް 2.4 އިންޗި. ކަށި ބުރޮޅިއެއް، މަލުން ނުކުތުމަށްފަހު، އޭގެ އެންމެ ދޮށީ އުމުރަށް ވާސިލްވުމަށް ގާތްގަނޑަކަށް 7 މަހާ 12 މަސް ހޭދަވޭ. އަދި ކަށި ބުރޮޅިއަކުން ގަސް ފެޅުމަށް ގާތް ގަނޑަކަށް 20 މަހާއި 24 މަސް ހޭދަވޭ.