އެއްޗެއް 150 ސެންޓިމީޓަރު ދުރަށް ބަދަލުވުމަކީ ނުވަތަ ދިއުމަކީ ބޮޑު ކަމެއް ކަމުގައި ނުފެނުނު ނަމަވެސް، މިގޮތަށް ބަދަލުވާ އެއްޗަކީ ގައުމެއް ކަމުން އެކަން ގަބޫލުކުރަން އުނދަގޫވޭ. ކަން މިހެން އޮތް ނަމަވެސް މިއީ ހަގީގަތް. ދުނިޔޭގައި ވަކި ގައުމެއް އެކަހެރިކޮށް ވަކި ބައްރެއްގެ ގޮތުގައި އޮންނަ އޮސްޓްރޭލިއާގެ ބިން ދަތުރުކުރޭ.

އޮސްޓްރޭލިއާގެ ބިން، ހަގީގަތުގައި ކޮންމެ އަހަރަކު 7 ސެންޓިމީޓަރު އުތުރަށް ޖެހެނީ އެގައުމުގެ "ޓެކްޓޮނިކް ޕްލޭޓް" ހަރަކާތްކުރާ ގޮތުގެ ސަބަބުން.

1994 ވަނަ އަހަރުން ފެށިގެން ޖީޕީއެސް ޑޭޓާއަށް އެއްވެސް ބަދަލެއް ގެނެސްފައި ނުވާތީ، އޮސްޓްރޭލިއާ އޭރު ދުނިޔޭގެ ޗާޓުގައި އޮތް ތަނާއި، ޖީޕީއެސް ސެޓެލައިޓްތަކުން މިހާރު ފެންނަ ތަނާއި ދެމެދު 150 ސެންޓިމީޓަރު ތަފާތު އެބަ ހުރި.

އަޅުގަނޑުމެންގެ ސްމާޓްފޯނުތަކުގައި ހުންނަ ޖީޕީއެސް ޓެކްނޮލޮޖީ ގެ ޞައްޙަ ކަމަކީ ގާތްގަނޑަކަށް 5-10 މީޓަރު. އެހެން ކަމުން 150 ސެންޓިމީޓަރު ނުވަތަ 1.5 މީޓަރު އެ ފޯނުތަކުން ނުދައްކަފާނެ. ނަމަވެސް ދުނިޔޭގެ ބައްރުތަކާއި ބިން ދިރާސާކުރާ ފަރާތްތަކަށް މި ބަދަލު ފެންނަން ހުރޭ.