ދާރުލްއާސާރު ތަކަކީ ދުނިޔޭގެ އެކި ކަންކޮޅުތަކުގައި އެ ގައުމުގެ ތާރީހުތައް ރައްކާކޮށް ހިމާޔަޔްކުރުމަށް ހުންނަ ހެދިފައިވާ ގޯތިތަކެއް. މިފަތަ ތަންތަނުގައި ތާރީހީ ލިޔުންތަކާއި ތާރީހީ ބައެއް ތަކެތި ބެހެއްޓިފައި ހުރޭ.

މިއީ ވަރަށް އާދަޔާ ހިލާފު ދާރުލްއާސާރެއް. އިންޑިޔާގެ ނިއުދިއްލީގައި ހުންނަ ބައިނަލްއަގުވާމީ ފާހާނަ ތަށި ތަކުގެ ދާރުލް އާސާރެއް. ސުލަބް އިންޓަނޭޝަނަލް މިއުޒިއަމް އޮފް ޓޮއިލެޓްސް. މިތަނަކީ ދުނިޔޭގެ އެންމެ އާދަޔާ ހިލާފު 10 ދާރުލްއާސާރުގެ ތެރޭގައިވެސް ހިމެނިފައިވާ ތަނެއް. 

ބުނެވޭ ގޮތުގައި މިތަނުގައި މީގެ 4500 އަހަރު ކުރީގެ ހަނދާންތައް ވޭ. ތަފާތު އެކި އެކި ގަދީމީ ފާހަނާ ތަށިތައް ފެންނަން ހުންނަ މި ދާރުލްއަަސާރުގައި ހުރި ހެކިތަކަށް ބަލާނަމަ އެންމެ ފުރަތަމަ ފްލެޝް ކުރެވޭ ފާހަނާ ތަށި ބޭނުން ކޮށްފައިވަނީ 1596ގަ.

ގިނަ އަދަދެއްގެ ތަފާތު ފަރުމާ ތަކުގެ ތަފާތު އެކި އެކި ބައްޓަންތަކުގެ ފާހަނާ ތަށިތައް މި ދާރުލްއަަސާރުގައިވޭ. މިއީ ބައިނަލްއަގުވާމީ ބޮޑު ދާރުލްއާސާރެއް. އަދި މިއީ ގަދީމީ ޒަމާނުއްސުރެ، ޝާހީ ހާންދާނުގެ ތެރޭގައި އެބައިމީހުންގެ ގަނޑުވަރުތަކުގައި ފާހާނާކޮށް އުޅުނު ގޮތުގެ ތާރީހު އެނގިލަން ބޭނުންވާނަމަ ޒިޔާރަތްކޮށްލަން ރަނގަޅު ދާރުލްއާސާރެއް.