ކަނޑުގާ އުޅޭ މަސްމަހާ މެއްސަށާއި އެއްގަމުގައި އުޅޭ ޖަނަވާރުންނަށް އަހަރެމެން އިންސާނުންގެ ފަރާތުން ގޯނާ އާއި އަނިޔާ ލިބޭ. އަދި އެފަދަ އަނިޔާތަކުގެ ސަބަބުން އެސޮރުމެންގެ އުޅުމާ މިޒާޖުގައި އިންސާނުންނާ "ވަގު" އަހުލާގެއް އަށަގަނެފައިވެސް ހުރޭ.

ދައްކަން މިއުޅެނީ މިފަދަ އަނިޔާތަކެއް ލިބި، އެ އަނިޔާތަކުގެ ލަކުނުތަކާއި އެކު މިއަދާ ހަމައަށްވެސް ދިރިއުޅެމުން އަންނަ ބޮޑުމަހެއްގެ ވާހަކަ. މިއީ 2001 ވަނަ އަހަރު މި ބޮޑުމަހަށް ލިބުނު އަނިޔާތަކެއް. އޮސްޓްރޭލިއާގެ ސިޑްނީއާއި ދިމާލުން ބޭރު ކަނޑުގައި ދުއްވާފައި ދިޔަ އާގުބޯޓެއް، މި ބޮޑުމަހުގައި ޖެހުނު. އަދި އެ އާގު ބޯޓުގެ ބުރަފަތި ތަކުގެ ތެރެއިން ލޭ ކޮށެވި އެތައް އަނިޔާތަކެއް މި ބޮޑުހަށް ލިބުނު. އެގޮތުން މި ބޮޑުމަހުގެ ބުރަކަށި މަތީގެ ކޮތަރިއާއި ހިސާބުން އެއް ފަޅީގެ މެދަށް ވާގޮތަށް ގިނަ ޅިޔަތަކެއް އެޅިފައި ހުރި. އަފި ނަގޫފަތުގެވެސް އެއްފަޅީގައި ޅިޔަތަކެއް އެޅިފައި ހުރި.

މާތް ﷲ ގެ ވާގިފުޅާއި އެކު މި ބޮޑުމަހަށް އެ ލިބުނު އަނިޔާތަކުގެ ސަބަބުންވެސް މި ބޮޑުމަހުގެ ފުރާނަ ގެއްލުނަ ނުދީ ވަނީ ސަލާމަތްވެފަ. އެއާއި އެކު އެ އަނިޔާތައް ފަސޭހަވެ ބޮޑެތި އެތައް ލަކުނުތަކެއް މިހާރު މި ބޮޑުމަހުގައި ފެންނަން ހުރޭ. 

މި ބޮޑުމަހުގެ މި އާދަޔާހިލާފު "ސަވައިވަލް" ގެ ސަބަބުން މި ބޮޑުމަހަށް "ބްލޭޑް-ރަނާ" ނަމުން ވަނީ ނަން ދީފަ.