ދުނިޔޭގައި ކުރެވޭ ބައެއް ދިރާސާތަކަކީ އެއިން ނިކަން އަޖައިބު ކުރުވަނިވި ނަތީޖާތައް ނުކުންނަ ދިރާސާތަކެއް. އެގޮތުން މިއީވެސް އެފަދަ ދިރާސާއެއްގެ ނަތީޖާ.

މި ދިރާސާ އަކީ ލަންޑަނުގެ ކޮލެޖަކުން ހެދި ދިރާސާއެއް. މި ދިރާސާކޮށްފައި ވަނީ އިންސާނުން ދިރިއުޅޭ ތަންތަނުގައި ހިރަފުސް އުފެދި ހިރަފުސް ހަރުލާ ސަބަބުތައް ބެލުމަށް. ކޮންމެ ދުވަހަކު ދެެއިރަށް ކުނިކަހާ މޮޕު ޖަހާ ތަންތަނުގައިވެސް ހިރަފުސް އުފެދިފާ ހުރޭ. ވަށައިގެއް ބައްދާ، އޭސީ ލާފައި ހުންނަ ތަންތަނުގައިވެސް ހިރަފުސް ހުރޭ. ނުވަތަ އުފެދޭ.

ލަންޑަނުގެ އިމްޕީރިއަލް ކޮލެޖުން ހެދި މި ދިރާސާއިން ހާމަވާ ގޮތުގައި މިފަދައިން އިންސާނުން ދިރިއުޅޭ ތަންތަނުގައި އުފެދޭ ހިރަފުހުގެ ބޮޑު ބައެއް އަދާ ކުރަނީ އިންސާނާގެ ހަންގަނޑުން މަރުވެގެންދާ ހަމުގެ ހަތާތައް. އެ ދިރާސާގައި އިތުރައް ބުނެފައި ވަނީ ހޭދަވާ ކޮންމެ ގަޑިއިރެއްގެ ތެރޭގައި އިންސާނެއްގެ ހަންގަނޑުން 200 މިލިއަން ހަމުގެ ހަތާތައް މަރުވެ، ހަށިގަނޑާ ވަކިވެދާކަމަށް. މި ހަތާތައް ޖައްވުގައި އުޅޭކަމަށް އެ ދިރާސާގައި ބުނޭ. އަދި އެ ގޮސް ތަންތަނުގައި ހަރުލާ ހުންނަ ކަމަށްވެސް އެ ދިރާސާގައި ވަނީ ބުނެފަ.

ހަންގަނޑު ހިކިކޮށް ހުންނަ ކަމުގައި ވަނީނަމަ ގަޑިއިރެއްގެ ތެރޭގައި މަރުވާ ހަމުގެ ހަތާތަކުގެ އަދަދު އިތުރުވެދޭ. އެހެންކަމުން ލޯޝަން ނުވަތަ ތެޔޮފަދަ އެއްޗެއް ގައިގާ ލުން މުހިއްމު. މިއީ އުޅޭ މާހައުލުގައި ހިރަފުސް އުފެދުން ކުޑަކުރުމަށްވެސް މުހިއްމު ކަމެއް ކަމަށް ވެދާނެ.