މައްސަރުކަންކަން ދިމާވަނީ ހަމަ އެކަނި އިންސާނުންނަށްތަ؟ ކޮންމެ މައްމަލި ޖަނަވާރަކަށްވެސް މައްސަރުކަންކަން ދިމާވާނެ. އޭގެ ތެރެއިން ޕީރިއަޑްވުން ނުވަތަ ލޭއައުން ދިމާވާނީ ވަރަށް މަދު މަންމަލި ޖަނަވާރަކަށް އިންސާނުންނީ އޭގެތެރެއިން އެއްބައި. 

އާންމުގޮތެއްގައި އެހެން މަންމަލި ޖަނަވާރުންގެ ރަހިމުގެ ފަށަލަ އިންސާނުންނަށްވުރެ ތުނި ވާނެ. ނަތީޖާއަކަށްވަނީ ދަރިމައި ނުވުމުން އެ ފަށަލަ ހަލާކުވާ ހަލާކުވުމުގައި އުފެދޭ ލޭގެ މިންވަރު މަދުވުމުން އެ ޖަނަވާރުތަކުގެ ހަށިގަނޑުގެ ތެރެއަށް އެ ލޭތައް ހިނދިގެން ދިއުން. އިންސާނުންނަށް ވާ ގޮތަކީ ރަހިމުގެ ފަށަލަ ބޯވުމުން، އުފެދޭ ލޭގެ މިންވަރު އިތުރުވުމުން ރަހިމުގެ ދޮރުން އެ ލޭތައް ބޭރުވުން.

މަންމަލި ޖަނަވާރުންގެ ތެރެއިން މައްސަރުކަންކަން ދިމާވުން ހުއްޓެނީ ބައެއް ޖަނަވާރުން. އެއީ އެ މަންމަލި ޖަނަވާރުންގެ އުމުރުން ދުވަސްވުމުން. އޭގެތެރޭގައި ހިމެނެނީ އިންސާނުންނާއި ބޮޑުމަހާއި އަދި އެތް. މަންމަލި ޖަނަވާރުންގެ ތެރެއިން މި ތިން ވައްތަރު ނޫނީ އެހެން ހުރިހާ މަންމަލި ޖަނަވާރެއްވެސް، އެސޮރުމެންގެ އެންމެ ފަހު ދުވަހާ ޖެހެންދެން (އުމުރުން ކިތައްމެ ދޮށިވިޔަސް) މައްސަރުކަންކަން ދިމާވާނެ.