ފެން ގަނޑު ކުރުމަކީ އަހަރެމެންގެ ވަރަށްގިނަ މީހުން ކުރާ ކަމެއް. ފެން ގަނޑުކުރުމުގައި އަބަދުވެސް އައިސް އަލަމާރިފަދަ ވަސީލަތްތައް ބޭނުންކުރޭ. އަވަހަށް ފެންގަނޑުކުރަން އެދޭނަމަ، ގަނޑުކުރަން ލާންވީ ހޫނުފެން.

ފިނިފެނަށްވުރެ، ހޫނުފެން ގަނޑުވާ މިންވަރު އަވަސް. މި ހާލަތަށް ސައިންސްވެރިން ދީފައިވާ ނަމަކީ އެމްޕެންބާ އެފެކްޓް. ނަމަވެސް މި ހާލަތު މެދުވެރިވުމަށް ޝަރުތު ތަކެއް ވޭ. އެ ޝަރުތުތައް ހަމަ ނުވާނަމަ، ފެން ހޫނުވިޔަސް އަވަހަށް ގަނޑުނުވެ ހުރެދާނެ.

އެއީ ފެނާއި، ގަނޑުކުރަން ލެވޭ ތަނަކާއި، ފެން އެޅިފައި ހުންނަ އެއްޗެއްގެ ފިނި ހޫނުމިނުގެ އިކުލިބްރިއަމް އަށް އަންނަ ބަދަލުތަކެއް. އެކި ތަނުގެ ފިނިހޫނިމިން އެކި ވަގުތު ތަކުގައި އޭގެ އިކުލިބްރިއަމް އޭ ކިޔާ ހަމައަށް އައުމުން، ހޫނު ފެންނަމަ، ފެނުގެ ތެރޭގައިވެސް ތަފާތު އިކުލިބްރިއަމް ތަފާތުވޭ. މިހެން ވުމުން އެ އެއްޗެއްގެ ވަށައިގެންވާ ފެނުގެ ފަށަލަތައް އަވަހަށް ގަނޑުވާން ފަށާ. އެހާލަތުގައިވެސް އެ އެއްޗެއްގެ މެދުގައި ހުންނަ ފެން ގަނޑު ނުވެ ދިޔާކޮށް ހުރޭ. ފިނިފެން ނަމަ، ފެނުގެ މަތީގައި ގަނޑުވާން ފަށާ ފަށަލައިގެ ބަދަލުގައި، އެމްޕެންބާ އެފެކްޓްގައި މަތީފަށަލަ ގަނޑެއް ނުވޭ. ވަށައިގެން ގަނޑުވާން ފެށުމާއި މެދު ދިޔާކޮށް ހުރުމުން، ފެނުގައި ހުންނަ ހޫނުތައް ފަސޭހަކަމާއި އެކު ބޭރުވޭ. މިހެންވުމުން ފެން އަވަހަށް ގަނޑުވޭ.

ފިނިފެނުގައި މިހާލަތު ދިމާނުވަނީ، ފުރަތަމަ މަތީ ފަށަލަ ގަނޑުވުމާއި އެކު، އެތެރޭގައިވާ ފެނަށް، ފިނިހޫނުމިނުގެ އިކުލިބްރިއަމް ހަމަކުރަން އުނދަގޫވާތީ. ކަންމިހެން ހުރިނަމަވެސް އިސްވެ ދެންނެވި ޝަރުތުތައް ކުރިމަތި ނުވާނަމަ، މިގޮތަށް ހޫނުފެން އަވަހަށް ގަނޑު ނުވެ ހުރެދާނެ. ނަމަވެސް އެ ޝަރުތުތައް ހަމަވުމާއި އެކު، އެމްޕެންބާ އެފެކްޓް މެދުވެރިވެ، އަވަހަށް ގަނޑުކޮށްލާ.

 

ހަވާލާ: "ހައު ސްޓަފްސް ވޯކް؟" - ޑައިލަން ރިސް - 2023