އިންސާނާގެ ހަށިގަނޑުގައިވާ ގުނަންތަކުގެ ތެރެއިން، ބޭރުހަށީގައިވާ އެއްމެ ބޮޑު ގުނަވަނަކީ ހަން. އެވްރެޖް އިންސާނެެއްގެ ބަރުދަނުގެ %15 ހިއްސާކުރަނީ އެ މީހެއްގެ ހަށިގަނޑުގައިވާ ހަންގަނޑުގެ ބަރުދަން. ކޮންމެ މީހެއްގެވެސް، އެމީހެއްގެ ހަންގަނޑުގެ ބަރުދަން ހޯދަން އެދޭނަމަ، އެމީހެއްގެ ޖުމްލަ ބަރުދަނުގެ %15 ބެލުމުން، އެކަން އެނގޭނެ. ނަމަވެސް ހިސާބުގެ ސައްހަކަން ބޮޑީ އެވްރެޖް އިންސާނުންނަށް، ހިސާބަށްވުރެ ބަރު، އަދި ހިސާބަށްވުރެ ލުއި މީހުންނަށް މި ހިސާބު ސައްހަ ނުވެދާނެ.

ހަންގަނޑަކީ ބޭރުހަށީގައިވާ އެއްމެ ބޮޑު ގުނަވަން ކަމުގައިވާ އިރު، އެވްރެޖް އިންސާނެއްގެ ހަންގަނޑުގެ ބޮޑުމިނުގައި ގާތްގަނޑަކަށް 21 އަކަފޫޓު ހުރޭ. އަދި އެ ހަންގަނޑުގައި 11 މޭލުގެ ދޮގު ރާސްތާއަކަށް ދަމާލެވޭ ވަރުގެ ކުދި ލޭ ހޮޅިތައް ވޭ.

ހަންގަނޑުގެ ކޮންމެ އަކަ އިންޗިއެއްގައި ގާތްގަނޑަކަށް 300 ސްވެޓް ގުލޭންޑް ހުރޭ. ސްވެޓް ގުލޭންޑަކީ ހަންގަނޑުން ފެން (ބޭކާރު މާއްދާތަކާއި އެކު) ބޭރުކޮށްދޭ ކުދި ކުދި ގުނަންތަކެއް.

އިންސާނާގެ ހަށިގަނޑުގައިވާ ހަންގަނޑުގެ އެއްމެ ބޯ ހިސާބު ވަނީ އިންސާނާގެ ދަށްފައިގަ. އަދި ހަމުގެ އެއްމެ ތުނި ފަށަލަ ވަނީ ލޮލުގަ.

 

ހަވާލާ: އޮލަންސްކީ (ޑަރމަޓޮލޮޖީ އެންޑް އެނެސްތެޓިކްސް) - 2019