ހިނީގެ ނަސްލަށް ނިސްބަތްވާ 12،000 ވައްތަރުގެ އުޅޭ. އޭގެ ތެރޭގައި ކާ މޭޒުމަތިން މި ފެންނަ ހިނީގެ އިތުރުން ބިމުއަޑީގައި ބޮޑެތި ހޮރުކޮނެގެން އުޅޭ ހިންޏާއި އުދުހޭ ހިނިވެސް ހިމެނޭ. އެންމެ ތަދުވާގޮތަށް ދަތްއަޅާ ހިންޏަށް ކިޔަނީ ބުލެޓް އޭންޓް. ފަޔަރަ އޭންޓްކިޔާ ހިނީގެ ސަބަބުން އެމެރިކާއަށް އަހަރަކު 3 ބިލިއަން ޑޮލަރުގެ ގެއްލުންވޭ. މީގެ ތެރޭގައި ހިނި ދަތްއެޅުމުން ފަރުވާ ހޯދަން ހޭދަވާ ފައިސާއާއި ގޮވާމަށް ދޭ ގެއްލުން ހިމެނޭ. ހިންޏަކީ އެންމެ އުމުރު ދިގު އިންސެކްޓް. ބައެއް ހިނީގެ އުމުރު 30 އަހަރަށް ދެމިގެންދޭ. ސައިޒާއި އަޅާބަލާފައި އެންމެ ވަރުގަދަ ޖަނަވާރަކީ ހިނި. ހިނީގެ ހަށިގަނޑުގެ ބަރުދަނުގެ 50 ގުނަ ބަރުދަން ހުންނަ އެއްޗެހި ހިނި އުފުލާ. އަދި ގިނަ ހިނި އެކުވެގެން މިއަށްވުރެ ބަރު އެއްޗެހި އުފުލާ. އެންޓާޓިކާ ފިޔަވާ ހުރިހާ ތަނެއްގައި ހިނިއުޅޭ. ހިންޏަކީ އިޖުތިމާޢީ ގުޅުން ވަރަށް ވަރުގަދަ، ކޮލޮނީ ހަދައިގެން އުޅޭ އެއްޗެއް. ކޮންމެ ކޮލޮނީއެއްގައިވެސް ބިސްއަޅާ ހިންޏެއް ނުވަތަ ހިނިތަކެއް ރާނީންގެ ގޮތުގައި ތިބޭނެ. ދެން ހިނީގެ ހާލި ބަލަހައްޓާ، ކާތަކެތި ރައްކާކޮށް ޅަ ހިނިތައް ބެލެހެއްޓުމުގައި ރާނީންނަށް އެހީވުމަށްވެސް އަންހެން ހިނި ޚާއްސަކޮށްފައި ތިބޭނެ. ފިރިހެން ހިނީގެ ފިޔަ ހުންނާނެ. ހިނީގެ ކަންފަތެއް ނުހުންނާނެ، ބައެއް ހިނީގެ ލޯވެސް ނުހުންނާނެ. ހިނި އަޑުއަހަނީ ފައިގެ އެހީގައި ބިންގަނޑަށް އަންނަ ލޮޅުމުން. ލޯ ނުހުންނަ ހިނި މުޢާމަލާތު ކުރަނީ ނަރުވާ މެދުވެރިކޮށް ފޮނުވާ ސިގްނަލްތަކަކުން. މިހާތަނަށް ފެނުނު އެންމެ ބޮޑު ހިނި ހޮރުގެ ބޮޑުމިނުގައި 3،700 މޭލު ހުރި.