ބޮޑުމީހެއްގެ ހަށިގަނޑުގައި 206 ގަނޑު ކަށި ހުންނާނެ. މީގެ ތެރެއިން ތަފާތު 52 ކަށިގަނޑު އިންނާނީ ފައިތިލައިގައި. ކޮންމެ ފައިތިލަ އެއްގައި 26 ކަށިގަނޑު. މިއީ މުޅި ހަށިގަނޑުގައިވާ ހުރިހާ ކަށީގެ 25 އިންސައްތަ އަށް ވުރެ ބޮޑު އަދަދެއް. މިހެން ބުނީމަ އަޑުއަހާން އުނދަގުލަސް ހަށިގަނޑުގެ ބަރުދަން ހިފަހައްޓާ، ހިނގާ، ދުވެ، ފުމެ ހަދަނީ މިކަށިތަކުގެ އެހީގައި. ފައިގައިވާ ކަށިތަކާއި ހުޅުތަކުން ދެން ކޮށްދޭ ކަމަކީ އެންމެ ފުރިހަމަ ގޮތުގައި ހަށިގަނޑަށް ހަކަތަ ފޯރުކޮދީ، އެ ހަކަތަ ބޭރު ކުރުމުގެ މަސައްކަތް. ފައިތިލައިގައިވާ ކަށިތައް ގުޅުވުމަށް 33 ހުޅު، 107 ލިގަމެންޓް ގެ އިތުރުން 19 މަސްކޮޅު އިންނާނެ. އަންހެނުން އަރާ ފައިވާނާއި ބޫޓުގެ ސަބަބުން ފައިތިލައިގައިވާ ކަށިތަކާއި ހުޅުތަކަށް ވާ ގެއްލުން ފިރިހެނުންނަށް ވުރެ 5 ގުނަ ގިނަ.