ގުރުދާ (ކިޑްނީ) އަކީ އިންސާނުންނާއި ހައިވާނުންގެ އެތެރެ ހަށީގައިވާ އާދަޔާހިލާފު ގުނަވަނެއް. މިއީ ކުޑަކަމުދާ ނިޒާމުގެ އެންމެ މުހިންމު ގުނަވަން. ގުރުދާ އަކީ ލޭގައިވާ ހަށިގަނޑަށް ބޭނުން ނުވާ މާއްދާތައް ފުރާނައި ލޭ ސާފުކޮށްދޭ ގުނަވަން. އާންމު ހާލަތްތަކުގައި އިންސާނާ އުފަންވަނީ ދެ ގުރުދާ އާއެކުގައި ނަމަވެސް އެއް ގުރުދާ އާއި އެކުވެސް ލޭ ފުރާނައި ސާފުކުރުމުގެ ފުރިހަމަ ޤާބިލުކަން މާތް ﷲ ވަނީ މި އިންސާނައިގެ ކިބައިގައި ލައްވާފަ. ގުރުދާގައި ލޭ ފުރޭނުމުގެ ދައުރު އަދާކުރަނީ އޭގައި ވާ "ނެފްރޯން" ނަމަކަށް ކިޔާ ކުދި އެތިކޮޅުތަކަކުން. ކޮންމެ ގުރުދާއެއްގައި ގާތްގަނޑަކަށް 1.5 މިލިއަން ނެފްރޯން ހުރޭ. ލޭ ފުރޭނުމަށް މަދުވެގެން 3 ލައްކަ ނެފްރޯން ބޭނުންވާއިރު، ސިއްޙަތު ރަނގަޅު އެންމެ ގުރުދާ އަކުން މި މަސައްކަތް މާ ރަނގަޅައްވެސް ކުރެވޭ. ރެއަކާއި ދުވާލެއްގެ މައްޗަށް 170 ލިޓަރު ގެ ލޭ ގުރުދާއިން ފުރާނާ އިރު 800 އެމް އެލް އާއި 2000 އެމް އެލް އާއި ދެމެދުގެ ކުޑަކަމުދާ ތަކެތި، ގުރުދާއިން ފުރާނާ، ފޮނުވާލާ. ގުރުދާއިން ލޭ ސާފުކުރުމުގެ މަސައްކަތުގެ އިތުރުން ލޭ އުފެއްދުމުގައިވެސް މުހިންނު ދައުރެއް އަދާކުރޭ. މި ކަމަށް ދެވިފައިވާ ނަމަކީ "އެރިތުރޯޕޮއެސިސް".