ކޯމަހުގެ ސިކުނޑި މަސައްކަތް ކުރަނީ ދެ ބަޔަކަށް ބެހިގެން. ކޯމަހަކީ ދުވަހަކުވެސް ނިދާ ޖަނަވާރެއް ނޫން. އެސޮރުގެ ސިކުނޑީގެ އެއްފަޅި ނިދައިފިނަމަ އަނެއްފަޅި ހޭލާ ހުރޭ. މިގޮތަށް މި ނިޒާމު ތަރުތީބުވުމުގެ ވަރަށްބޮޑު ހިކުމަތެއްވޭ. އެހެނީ ކޯމަހަކީ މަންމަލި ޖަނަވާރެއް. އެސޮރު ނޭވައިލަނީ ޖައްވަށް. އެހެންކަމުން މޫދުގައި އެސޮރު އުޅޭ ވަގުތު ނޭވައިލުމަށް ފެނު މައްޗަށް އަރަންޖެހޭ. އެސޮރުގެ ހަށިގަނޑު މޫދު އަޑީގައި އަރާމު ކުރާ ވަގުތު، ނޭވައި ހާސްވާކަން ދެނެގަންނަން ޖެހޭ. ނޫންނަމަ ނޭވައި ހާސްވެ މަރުވާ ގޮތް ވެދާނެ. އެ ސަބަބަށްޓަކައި އަބަދުވެސް ސިކުނޑީގެ އެއްފަޅި ހޭލާ ހުރޭ. ކޯމަހަކީ ބޮޑެތި އެހެން މަސްމަހުގެ ޝިކާރައަކަށް ވާ މަހެއް. މިޔަރުފަދަ މަސްމަހާމެހީގެ ޝިކާރައަކަށް ވޭ. އެހެންކަމުން ކޯމަސް މޫދުގައި އަރާމުކުރާ ވަގުތު އެފަދަ ނުރައްކާތަކުން ސަލާމަތްވުމަށް އެސޮރުގެ ސިކުނޑީގެ އެއްފަޅި އަބަދުވެސް ހޭލާ ހުރޭ. ސަމާލުގައި ހުރޭ. މި ނިޒާމުން މިކަން ތަރުތީބު ނުވާނަމަ ކޯމަހުގެ އާއިލާގެ ގިނަ ކޯމަސްތަކެއް ނެތި ދިޔައީސްކަން ޔަގީން. މާތް ﷲ ގެ ކުޅަދުންވަންތަ ކަމުގެ ނިޒާމަކީ އިންސާނާގެ މި ބުއްދިއަށް ގެނެވޭވަރަށްވުރެ މާ ފުރިހަމަ ނިޒާމެއް.