1983 ވަނަ އަހަރު ރިލީޒްކުރި ބޮލީވުޑް ފިލްމު "މަން ވަސަނާއީ"އިން ބޮލީވުޑަށް ތަޢާރަފްވި އެކްޓްރެސް ރިވާތީއާއި މެގަ ސްޓަރ ސަލްމާން ޚާން 32 އަހަރަށްފަހު އެކުގައި އެއް ފިލްމެއްގައި މަސައްކަތް ކުރަން ނިންމައިފިއެވެ. މި ދެ ތަރިން އެންމެފަހުން ފިލްމަކުން ފެނިފައިވަނީ 1991ގައެވެ.
އެގޮތުން ސަލްމާން ޚާންގެ ކުރިއަށް އޮތް އެންމެ ބޮޑު އެއް ފިލްމު ކަމަށްވާ "ޓައިގަރ 3"ގެ ކޮންމެވެސް ރޯލެއް ރިވާތީ އަދާކުރަން ހަމަޖެހިފައިވާ ކަމަށް ރިޕޯޓުތަކުން މަޢުލޫމާތު ލިބެއެވެ. އަދި އިންޑިއާގެ ނޫސްވެރިއެއް ކަމަށްވާ ހިމޭޝް މަންކަޅް ވެސް ވަނީ ޓްވިޓާ މެދުވެރިކޮށް ފޭނުންނަށް މިކަން ޙިއްޞާކޮށްފައެވެ.
SALMAN KHAN & REVATHI REUNITE ON TIGER 3 - 32 Years after #Love, #SalmanKhan and #Revathi will be seen sharing the screen-space in #Tiger3. Character details kept under wraps. The action packed thriller is set for a Diwali 2023 release.
— Himesh (@HimeshMankad) November 26, 2022
މަނީޝް ޝަރްމާ ޑައިރެކްޓްކުރާ "ޓައިގަރ 3"އަކީ މިހާރު ބޮލީވުޑްގެ އެންމެ ގިނަބަޔަކު އިންތިޒާރުކުރާނެ އެއް ފިލްމެވެ. އެގޮތުން މިއީ ސަލްމާންގެ "ޓައިގަރ" ސިލްސިލާގެ ތިންވަނަ ފިލްމަށްވާއިރު ފިލްމުގެ މައިގަނޑު ރޯލުތަކުން ފެނިގެންދާނީ މީގެ ފުރަތަމަ ދެ ފިލްމު ކަމަށްވާ "އޭކް ތާ ޓައިގަރ"އާއި "ޓައިގަރ ޒިންދާ ހޭ"ގައި ވެސް ފެނިގެންދިޔަ ތަރިންނެވެ. އޭގެ ތެރޭގައި ސަލްމާންގެ އިތުރުން އަންހެން ލީޑު ކެޓްރީނާ ކެއިފް އަދާކުރާއިރު ރަންވީރް ޝޯރޭ ވެސް ފިލްމުގެ މުހިންމު ރޯލެއް އަދާކުރެއެވެ. އަދި ފިލްމުގެ ވިލަންގެ ރޯލަށް އިމްރާން ހާޝްމީ ހަމަޖެހިފައިވާއިރު މަޝްހޫރު ތަރި ޝާހްރުކް ޚާންގެ ޚާއްޞަ ފެނިލުމެއް ވެސް ފިލްމުގައި ވެއެވެ.
1991ގައި ރިލީޒްކުރި ފިލްމު "ލަވް"އަށްފަހު ރިވާތީއާއި ސަލްމާން އެއްވެސް ފިލްމެއްގައި ސްކްރީނުން އެކުގައި ފެނިފައި ނުވި ނަމަވެސް 2004 ވަނަ އަހަރު ރިވާތީގެ ޑައިރެކްޝަނެއްގައި ސަލްމާން ވަނީ އެކްޓްކޮށްފައެވެ. އެއީ އެއިޑްސް އެވެއަރނެސްގެ ވާހަކަ ދައްކާ ފިލްމު "ފިރް މިލޭނގޭ"އެވެ.
އެކްޓަރެއްގެ ޙައިޞިއްޔަތުން ރިވާތީ އެންމެފަހުން ފެނިގެންދިޔައީ ނިމިދިޔަ އޮކްޓޫބަރު މަހު ރިލީޒްކުރި "އޭ ޒިންދަގީ"އިންނެވެ.
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން