އިންޑިޔާގެ އެންމެ ގިނަބަޔަކު ބަލާ ކޮމެޑީ ޝޯކަމަށްވާ ދި ކަޕިލް ޝަރްމާ ޝޯގެ ހޯސްޓް އަދި ކޮމެޑިއަން ކަޕިލް ޝަރުމާއަށް ނޫސްވެރިއަކު ވަރުގަދަ ޗެލެންޖެއް ކޮށްފިއެވެ. ރިޕަބްލިކް ޓީ.ވީގެ ރިޕޯޓަރު ޕްރަދީޕް ބަންޑާރީ ކުރި މި ޗެލެންޖަށް ކަޕިލްގެ ރައްދު އަންނާނެގޮތެއް ބެލުމަށް ގިނަ ބަޔަކު ތިބީ އިންތިޒާރުގައެވެ.

ސުޝާންތު ސިންގުގެ މަރާއި ގުޅިގެން މުޅި އިންޑިޔާގެ މީޑިޔާ "ސުޝަންތު ސިންގް" ވެފައި އޮތް ދަނޑިވަޅުގައި އެންމެ އަޑުހަރުކޮށް މިކަމާ ވާހަކަ ދެއްކި މީހަކީ ރިޕަބްލިކް މީޑިޔާގެ އެޑިޓަރ އިން ޗީފް އަރްނަބް ގޯސްވާމީއެވެ. އަރްނަބަކީ އިންޑިޔާގެ ވަރަށް ގިނަބައެއްގެ ލޯބި ލިބިފައިވާ ނޫސްވެރިއެކެވެ. ނަމަވެސް އޭނާގެ ބަހުސް ތަކުގައި ވާހަކަ ދެއްކުން ބަހައްޓާގޮތް ކަމުނުދާ ބަޔަކުވެސް އުޅެއެވެ. މިހެން ކަން އޮއްވާ ޓީ. އާރް.ޕީ ރޭންކިންގ ގެ އެންމެ މަތީގައި އޮތް ކަޕިލް ޝަރުމާގެ ޝޯގައި އަރްނަބަށް ޖޯކުޖަހާ ހެދުމުން ޝޯގެ ޓ.އާރް.ޕީ ވެއްޓުނެވެ. ގިނަބަޔަކު ޝޯ ބޮއިކޮޓް ކުރުމަށްވެސް ގޮވާލިއެވެ. މާގިނަ ދުވަސްތަކެއްނުވެ މި ޝޯގެ އެންމެ އިސް އެއް ރޯލުން ފެނިގެންދާ ބާރްތީ ސިންގް އަދި އޭނާގެ ފިރިމީހާވަނީ މަސްތުވާ ތަކެތީގެ މައްސަލާގައި ޖަލަށް ލާފައެވެ.

މިހާލަތުގައި ރިޕަބްލިކް މީޑީޔާގެ ނޫސްވެރިޔާ ވަނީ އިންޓަރވިއުއެއްގައި، މީޑިޔާގައި ކަޕިލް އަށް ޗެލެންޖްކޮށްފައެވެ. އޭނާ ޗެލެންޖް ކުރީ ކަޕިލްގެ ޝޯގެ އިސްރޯލު ތަކުގައި ހަރަކާތްތެރިވާ ފަންނާނުން މަސްތުވާ ތަކެއްޗަށް ޓެސްޓް ކުރުމަށެވެ. އާނާ މިކަމަށް ގޮވާލާފައިވާ އިރު ކަޕިލް ގެ ފަރާތުން ރައްދު ދޭނެގޮތެއް ބަލަން ގިނަ ބަޔަކު ބޭނުންވެއެވެ. ޕްރަދީޕްގެ މި އިންޓަރވިއުގައި އޭނާ ވަނީ ހިތްވަރު ހުރިނަމަ ކަޕިލްގެ ޝޯއަށް އޭނާއަށް ދަޢުވަތު ދިނުމަށްވެސް ގޮވާލާފައެވެ.

ސުޝާންތުގެ މަރުގެ ތަހުގީގުން ކުރި ފަޅައިގެން ހިނގަމުންދާ މަސްތުވާ ތަކެތީގެ ތަހުގީގުގެ ސިލްސިލާގައި އެންމެ ފަހުން ކަޕިލްގެ ޝޯގެ ބައިވެރިން ޝާމިލުވުމުން ވަރަށް ގިނަ ބަޔަކު ވަނީ މާޔޫސްވެފައެވެ. ސަބަބަކީ ކަޕިލްއަކީ ސިޔާސީ ކަންކަމާއި ވާދަވެރި އެހެން ކަންކަމުން ދުރުވެ މީހުން ހެއްވާ އެމީހުނަށް ހިތްހަމަ ޖެހުން ގެނެސްދިނުމަށް މަސައްކަތް ކުރާ ފަންނާނެކެވެ.