ޔޫޓިއުބް އިން އޭއައި ބޭނުންކޮށްގެން ވީޑިއޯތައް އެހެން ބަސްބަހުން ޑަބް ކުރުމަށް ފީޗާއެއް ގެނައުމުގެ މަސައްކަތް ފަށައިފިއެވެ.

އެ ކުންފުނިން މިިދިޔަ ބުރާސްފަތި ދުވަހު ވިޑްކޯންގައި ހާމަކުރިގޮތުގައި، މި ޑަބިން ފީޗާ  ގެނައުމަށް މަސައްކަތް ފަށާފައިވަނީ ގޫގުލްގެ އޭރިއާ 120 އިންކިއުބޭޓަރުގެ ހިދުމަތް ގެނެސްދިން އޭއައި އަލައުޑް ޓީމާ ގުޅިގެން ކަމަށެވެ.

މި އޭއައި ފީޗާ ބޭނުންކުރާގޮތާއި ގުޅޭގޮތުން އަލައުޑްގެ ވެބްސައިޓުގައިވެ އެވެ. މި ޓޫލް އިން އެންމެ ފުރަތަމަ ޔޫސާއެއްގެ ވީޑިއޯ ޓްރާންސްކްރިޕްޓްކޮށް، ރިވިއުކޮށް އެޑިޓް ކުރެވޭނެ ޓްރާންސްކްރިޕްޝަނެއް ލިބިގެންދެއެވެ. ދެން، ތަރުޖަމާކޮށް ޑަބް އުފައްދައެވެ. މިއީ ގުޅޭ އިތުރު ތަފްސީލު ތިރީގައިވާ ވީޑިއޯ އިން އެނގިގެންދާނެ އެވެ.

ޔޫޓިއުބް އިން މިހާރުވެސް ދަނީ “އެތައް ސަތޭކަ” ކްރިއޭޓަރުންނާއެކު މި ޓޫލް ޓެސްޓް ކުރަމުން އަންނަ ކަމަށް ޔޫޓިއުބްގެ އަމްޖަދު ހަނީފް ދިން ބަޔާނެއްގައި ބުނެފިއެވެ. އަދި ހަނީފް ވިދާޅުވާ ގޮތުގައި އަލައުޑް މިވަގުތު ސަޕޯޓް ކުރަނީ “މަދު” ބަހަކަށް ކަމަށާއި، ކުރިއަށް އޮތް ތާނގާއި “އިތުރު ބަސް ބަހުން” ޑަބިން ފީޗާ ބޭނުންކުރެވޭނެ ކަމަށެވެ. އަދި އެ ކުންފުނީގެ ސްޕޯކްސްޕާސަން ޖެސިކާ ގިބީ ވިދާޅުވި ގޮތުގައި، އަލައުޑް އިން މިހާރު ލިބެން ހުރީ އިނގިރޭސި، ސްޕެނިޝް، އަދި ޕޯޗުގީޒް ބަހުންނެވެ.

މިވަގުތު  މަދު އަދަދެއްގެ ބަހުން ހުރި ނަމަވެސް، ކުރިއަށް އޮތް ތާނގާއި ގިނަ އަދަދެއްގެ އުފެއްދުންތެރިން އެމީހުންގެ ވީޑިއޯތަކަށް މަލްޓި ލެންގުއޭޖް (ތަފާތު ގިނަ ބަހުން) ޑަބްސް އިތުރުކުރާތީ، އަލައުޑް އަކީ ބޭނުންތެރި ވަސީލަތަކަށް ވެދާނެ އެވެ.

އަދި އަލައުޑްގެ އެހީގައި ޔޫޓީއުބްގައި އެ ފީޗާ ބޭނުންކޮށްގެން ނެރެވުނު ނަތީޖާގެ މިސާލެއް އަމިއްލައަށް އަޑުއަހަން ބޭނުންނަމަ އަމީބާ ސިސްޓަރސް ޗެނަލްގެ ތިރީގައިމިވާ ވީޑިއޯގައިވާ ސްޕެނިޝް ޑަބް ޓްރެކް ބައްލަވާލައްވާށެވެ. 

މީގެއިތުރުން ވެސް، ޔޫޓިއުބުން ދަނީ "ތަރުޖަމާކޮށްފައިވާ އޯޑިއޯ ޓްރެކްތައް އުފެއްދުންތެރިޔާގެ އަޑު ފަދައިން އަޑު އިވޭ ގޮތަށް، އިތުރު އެކްސްޕްރެޝަން އާއެކު، އަދި ލިޕް ސިންކް ކޮށްގެން" ގެނެވޭނެ ފީޗާއެއް އިތުރުކުރުމުގެ މަސައްކަތް ކުރަމުން ކަމަށް ހަނީފް ވިދާޅުވިއެވެ. މި ފީޗާތައް ގެނައުމަށް ޕްލޭންކޮށްފައިވަނީ 2024 ވަނަ އަހަރުގައި ކަމަށް ގިބީ ބުންޏެވެ.