2019 ވަނަ އަހަރު ރިލީޒްކުރި ފިލްމު "މިޝަން މަންގަލް"ގެ ޑައިރެކްޓަރު ޖަގަން ޝަކްތީގެ ދެން އޮތް ފިލްމުގެ ލީޑް ރޯލަށް ޓައިގަރ ޝްރޮފް ވަނީ ހަމަޖެހިފައި ކަމަށް އަޑުފެތުރިއްޖެއެވެ.
ބޭރުގެ ރިޕޯޓުތަކުން މަޢުލޫމާތު ލިބޭ ގޮތުގައި މި ފިލްމަކީ 'އިމޯޝަނަލް-އެކްޝަން-ޑްރާމާ'އެކެވެ. އަދި ނަން ހާމަކޮށްފައި ނުވާ މިފިލްމުގެ ޝޫޓިންގތައް އޮންނާނީ ޔުނައިޓެޑް ކިންގޑޮމްގައި ކަމަށް ވެސް މަޢުލޫމާތު ލިބެއެވެ. މިއީ އަކްޝޭ ކުމާރުގެ "ބެލްބޮޓަމް"ގެ ޕްރޮޑިއުސަރެއް ކަމަށްވާ ވާޝޫ ބަގްނާނީއާއި ޖެކީ ބަގްނާނީ ގުޅިގެން ޕޫޖާ އެންޓަރޓެއިންމެންޓްގެ ޕްރޮޑަކްޝަންގެ ދަށުން ގެނެސްދޭ ފިލްމެކެވެ. އެހެންކަމުން މިފިލްމު ވެގެންދާނީ ޓައިގަރާއި ވާޝޫ އެކުގައި މަސައްކަތްކުރާ ދެވަނަ ފިލްމަށެވެ. އެއީ ޓައިގަރގެ ކުރިއަށް އޮތް ފިލްމު "ގަނާޕަތު"ގެ ޕްރޮޑިއުސަރަކީ ވެސް ވާޝޫ ބަގްނާނީ ކަމަށްވާތީއެވެ.
މީގެ ކުރިން އަކްޝޭ ކުމާރާއެކުގައި ވެސް ޖަގަން ޝަކްތީ ފިލްމެއްގެ މަސައްކަތް ކުރަން އުޅޭ ކަމަށް ވަނީ ޚަބަރު ފެތުރިފައެވެ. ނަމަވެސް އެފިލްމަށް ވަނީ ވީގޮތެއް ނޭނގިފައެވެ. އެހެންކަމުން ޓައިގަރ ޝްރޮފާއެކު ފަށަން މިއުޅެނީ އެފިލްމުތޯ ނޫނީ މުޅިން އައު ފިލްމެއްތޯ ވެސް ވަނީ ސުވާލު އުފެދިފައެވެ. މަޢުލޫމާތު ލިބޭ ގޮތުގައި ފިލްމުގެ ސްކްރިޕްޓްގެ މަސައްކަތް މިހާރު ކުރިއަށް ދާއިރު ވަރަށް އަވަހަށް ޓައިގަރަށް ސްކްރިޕްޓް ހަވާލުކުރެވޭނެއެވެ. އަދި ޝޫޓިންގތައް ފެށޭނެ ތާރީޚް ވެސް ޓައިގަރަށް އަންގާނެއެވެ.
ޓައިގަރ ޝްރޮފް އެންމެ ފަހުން ފެނިގެންދިޔައީ "ހީރޯޕަންތީ 2"އިންނެވެ. ބޮކްސް އޮފީހުގައި އެހާ ކާމިޔާބުނުވި މިފިލްމަށްފަހު ދެން އޭނާ އެންމެ އަވަހަށް ސްކްރީންތަކުން ފެންނާނީ 2021ވަނަ އަހަރު ޝޫޓިންގ ނިންމާލި "ގަނާޕަތު"އިން ކަމަށް ވެއެވެ. މިދިޔަ އަހަރު އޯގަސްޓް މަހު ޓައިގަރ ވަނީ ސޯޝަލް މީޑިއާ މެދުވެރިކޮށް "ގަނާޕަތު"ގެ ޓީޒާއެއް ވެސް ބެލުންތެރިންނަށް ދައްކާލައިފައެވެ. "ގަނާޕަތު" ރިލީޒްކުރަން ހަމަޖެހިފައިވަނީ މިއަހަރުގެ ކްރިސްމަސްއާ ދިމާކޮށް ޑިސެމްބަރު 23ގައެވެ.
View this post on Instagram
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން