ޕްރޮޑިއުސަރު ބެނީ ބްލާންކޯއާ އޮންނަ ގުޅުމާއި ބެހޭ އިތުރު ތަފްސީލުތައް ސެލީނާ ގޯމޭޒް ދީފައި ވަނީ މީގެ ކުރިން އެދެމީހުންގެ މެދުގައި އޮތް ގުޅުމަށް އިޝާރާތް ކުރަމުންނެވެ. އެމެރިކަން އެންޓަރޓެއިންމަންޓް ޕޯޓަލްގައި ބުނާ ގޮތުގައި އުމުރުން 31 އަހަރުގެ ސެލީނާ ވަނީ އެދެމީހުންގެ ގުޅުމުގެ ޓައިމްލައިން އިންސްޓަގްރާމް ޕޯސްޓެއްގައި ކުރި ކޮމެންޓެއްގައި ހާމަކޮށްފައެވެ.

މި ގުޅުމާއި ގުޅޭގޮތުން ފެތުރޭ ޚަބަރަށް ފޮލޯވަރުންގެ ކޮމެންޓުތަކަށް ރުޅި އައިސްފައި ނުވާކަން ސެލީނާ ސާފުކޮށްދިނީ  އެދެމީހުންގެ ލޯބީގެ ގުޅުމަށް 6 މަސް ދުވަސް ވެއްޖެ ކަމަށް ބުނެފައެވެ.

އިތުރު ކޮމެންޓެއްގައި އޭނާ ލިޔެފައި ވަނީ ބެނީ "މި ޕްލެނެޓްގެ އެއްވެސް އިންސާނަކަށް ވުރެ އަހަންނާ މެދު ރަނގަޅަށް ކަންތައް ކޮށްފައިވޭ" އޭގެއިތުރަށް  "އަހަންނަށް ދިމާވި އެންމެ ރަނގަޅު މީހާ " މިހެންވެސް ލިޔެފައިވެއެވެ.